Bjarkarlundur 2 - auglýsing lóðar

Á árunum 2003 til 2008 var lóðinni Bjarkarlundi 2 úthlutað nokkrum sinnum en í öllum tilvikum var lóðinni skilað aftur til bæjarins. Undanfarin ár hefur lóðin ekki verið auglýst laus til úthlutunar.

Á fundi skipulagsráðs þann 10. janúar sl. var samþykkt að auglýsa lóð nr. 2 við Bjarkarlund lausa til úthlutunar í samræmi við reglur Akureyrarbæjar um úthlutun lóða. Lögð er fram tillaga um að lóðin verði auglýst með sömu úthlutunarskilmálum og hafa verið samþykktir fyrir lóðir í Holtahverfi norður og 2. áfanga Móahverfis.

Liður 15 í fundargerð skipulagsráðs dagsettri 11. október 2023:

Á fundi skipulagsráðs þann 10. janúar sl. var samþykkt að auglýsa lóð nr. 2 við Bjarkarlund lausa til úthlutunar í samræmi við reglur Akureyrarbæjar um úthlutun lóða. Lögð er fram tillaga um að lóðin verði auglýst með sömu úthlutunarskilmálum og hafa verið samþykktir fyrir lóðir í Holtahverfi norður og 2. áfanga Móahverfis.

Skipulagsráð leggur til við bæjarráð að það samþykki að lóð nr. 2. við Bjarkarlund verði úthlutað eftir útboðsleið með lágmarksverði í samræmi við fyrirliggjandi skilmála.

Lögð fram niðurstaða tilboðs í byggingarrétt lóðarinnar Bjarkarlundur 2.

Þrjú tilboð bárust og var Áskell Viðar Bjarnason með hæsta tilboðið. Til samræmis við ákvæði úthlutunarskilmála er lögð fram yfirlýsing Íslandsbanka sem ber með sér að umsækjandi geti staðið undir kostnaði vegna byggingarframkvæmda og kaupa á byggingarrétti.

Lagt fram erindi Áskels Bjarnasonar dagsett 4. júlí 2024 þar sem óskað er eftir að frestur til framkvæmda á lóðinni Bjarkarlundi 2 verði framlengdur til næsta sumars, 2025. Miðað við samþykkt á kauptilboði að þá rennur núverandi frestur til framkvæmda út í lok janúar 2025. Er jafnframt óskað eftir fresti til greiðslu gatnagerðargjalda fram á næsta ár.