Þjónusta í Nausta- og Hagahverfi

Umræða um uppbyggingu þjónustu í Nausta- og Hagahverfi.

Málshefjandi var Gunnar Már Gunnarsson sem lagði fram svofellda bókun:

Bæjarstjórn telur að hefja ætti samtal og samráð við öldungaráð og Félag eldri borgara á Akureyri (EBAK) um hvernig gera megi Nausta- og Hagahverfi að aldursvænni hverfum með tilliti til þjónustu og/eða samkomustaða. Þá er mikilvægt að hafa slíkt markmið í huga við uppbyggingu nýrra hverfa. Að endingu ætti þess að vera gætt að þjónustu og verslun sé ekki úthýst úr nýjum hverfum með skipulagsbreytingum.

Í umræðum tóku til máls Jana Salóme Ingibjargar Jósepsdóttir, Sunna Hlín Jóhannesdóttir, Halla Björk Reynisdóttir, Hilda Jana Gísladóttir og Heimir Örn Árnason.

Umræða um uppbyggingu þjónustu í Nausta- og Hagahverfi.

Bæjarstjórn bókaði eftirfarandi á fundi sínum 4. október:

Bæjarstjórn samþykkir samhljóða að hefja ætti samtal og samráð við öldungaráð og Félag eldri borgara á Akureyri (EBAK) um hvernig gera megi Nausta- og Hagahverfi að aldursvænni hverfum með tilliti til þjónustu og/eða samkomustaða. Þá er mikilvægt að hafa slíkt markmið í huga við uppbyggingu nýrra hverfa. Að endingu ætti þess að vera gætt að þjónustu og verslun sé ekki úthýst úr nýjum hverfum með skipulagsbreytingum.

Rætt um aldursvæn hverfi með tilliti til þjónustu.

Málshefjandi er Gunnar Már Gunnarsson og lagði fram svofellda fyrirspurn:

Á bæjarstjórnarfundi 4. október 2022 samþykkti bæjarstjórn samhljóða að hefja samtal og samráð við öldungaráð og Félag eldri borgara á Akureyri (EBAK) um hvernig gera megi Nausta- og Hagahverfi að aldursvænni hverfum með tilliti til þjónustu og/eða samkomustaða. Hvar stendur málið í dag og hefur okkur miðað áfram í átt til aukinnar þjónustu í Nausta- og Hagahverfi, til að mynda með meiri fjölbreytni í verslunarmynstri?

Til máls tóku Halla Björk Reynisdóttir, Sunna Hlín Jóhannesdóttir, Hilda Jana Gísladóttir, Heimir Örn Arnarson og Jón Hjaltason.