Starfs- og fjárhagsáætlun stjórnar Akureyrarstofu 2020

Starfsmönnum falið að vinna úr þeim hugmyndum sem fram komu á fundinum.

Í aðdraganda fjárhagsáætlunarvinnu vegna ársins 2020 vill stjórn Akureyrarstofu kanna möguleika á því að selja Sigurhæðir og óskar eftir umsögn Minjasafnsins á Akureyri um þá tillögu.



Stjórn Akureyrarstofu felur starfsmönnum að kanna möguleika á því að leigja eða selja húsnæði Deiglunnar.



Vegna takmarkaðrar nýtingar á frumkvöðlasetrinu við Glerárgötu 34 samþykkir stjórn Akureyrarstofu að segja upp samningum vegna starfseminnar við Glerárgötu og hún verði lögð niður í núverandi mynd. Í skoðun eru aðrar útfærslur í samstarfi við AFE.



Finnur Dúa fulltrúi V-lista er sammála bókuninni að öllu leyti en leggur áherslu á að Deiglan verði nýtt áfram undir menningar- og listatengda starfsemi.

Stjórn Akureyrarstofu getur ekki orðið við beiðni forstöðumanns Héraðsskjalasafnsins um aukið stöðugildi.



Stjórn Akureyrarstofu samþykkir framlagðar gjaldskrárbreytingar og vísar þeim til bæjarráðs.



Stjórn Akureyrarstofu samþykkir framlagða starfs- og fjárhagsáætlun 2020 og vísar henni til bæjarráðs.

Eva Hrund Einarsdóttir D-lista sat hjá við afgreiðslu.