Aksturssvæði við Hlíðarfjallsveg - umgengni vélhjólamanna KKA

Umhverfis- og mannvirkjaráð lýsir áhyggjum á ástandi gróðurfars á svæðinu og óskar eftir því að tekin verði upp umræða við skipulagssvið, frístundasvið og hlutaðeigandi aðila um að settar verði upp verklagsreglur um notkun svæðisins.

Umhverfis- og mannvirkjaráð vísar málinu til umhverfis- og mannvirkjasviðs og skipulagssviðs og óskar eftir því að lóðaleigusamningar við KKA verði kláraðir. Þar verði skilgreind notkun á svæðinu þar sem hún uppfylli þarfir KKA og með hliðsjón af varðveislu náttúru. Einnig er sviðunum falið að upplýsa KKA um að hætta öllum akstri á viðkvæmustu svæðunum s.s. gilinu þar til samningar hafa verið kláraðir.

Skipulagsráð hvetur til þess að vinnu við gerð lóðarleigusamninga við KKA, BA og Skotfélag Akureyrar verði lokið við fyrsta tækifæri.

Umhverfis- og mannvirkjaráð ítrekar bókun ráðsins frá 7. júní 2019 og tekur undir bókun frá fundi skipulagsráðs þann 10. júlí 2019.