Leikfélag Akureyrar - endurnýjun samnings 2011

Rætt um endurnýjun samnings við Leikfélag Akureyrar. Formaður og framkvæmdastjóri greindu frá fundi sem þau áttu með leikhússtjóra og framkvæmdastjóra LA.
Umræðu verður haldið áfram á næsta fundi.

Lögð fram drög að endurnýjuðum samningi fyrir yfirstandandi ár. Vonir standa til þess að næsti samningur Akureyrarbæjar og ríkisins um samstarf í menningarmálum verði a.m.k. til þriggja ára og þar með gefist færi á að gera lengri samning við félagið.

Í kjölfarið á endurnýjuðum samningi Akureyrarbæjar og Leikfélags Akureyrar var stofnaður sameiginlegur starfshópur eða framtíðarnefnd samningsaðila sem hefur það hlutverk að fara yfir rekstrargrundvöll atvinnuleikhúss á Akureyri og leggja fram tillögur um framtíðarskipan þeirra mála. Starfshópurinn hefur tekið til starfa og var greint frá stöðu vinnunnar hingað til.

Formaður stjórnar fór yfir vinnu framtíðarnefndar stjórnar Akureyrarstofu og stjórnar Leikfélags Akureyrar og drög að framtíðarsýn sem unnið er að.