Framkvæmdaráð

235. fundur 16. júní 2011 kl. 10:15 - 12:00 Bæjarstjórnarsalur á 4. hæð í Ráðhúsi
Nefndarmenn
  • Sigríður María Hammer varaformaður
  • Halla Björk Reynisdóttir
  • Hjörleifur H. Herbertsson
  • Ólafur Jónsson
  • Sigfús Arnar Karlsson
  • Helgi Már Pálsson bæjartæknifræðingur
  • Tómas Björn Hauksson forstöðumaður gatna- fráveitu og hreinlætismála
  • Bergur Þorri Benjamínsson fundarritari
Fundargerð ritaði: Bergur Þorri Benjamínsson fulltrúi
Dagskrá

1.Naustahverfi - frágangur

Málsnúmer 2011060052Vakta málsnúmer

Lagðar fram til kynningar niðurstöður vegna verðfyrirspurna sem framkvæmdadeild gerði í frágang á grænum svæðum.
Miðvikudaginn 15. júní 2011 voru opnaðar verðfyrirspurnir vegna verksins Naustahverfi frágangur grænna svæða.
Eftirfarandi tilboð bárust og hafa þau verið yfirfarin:
G.Hjálmarsson hf kr. 9.530.000 - 204,51%
Túnþökusala Kristins ehf kr. 4.575.000 - 98,18%.
Kostnaðaráætlun hönnuða kr. 4.660.000.

Framkvæmdadeild leggur til að samið verði við lægstbjóðanda Túnþökusölu Kristins ehf.

Framkvæmdaráð gerir ekki athugasemdir.

Sigfús Arnar Karlsson fulltrúi B-lista óskar bókað að verklok skuli standa.

2.Félag hundaeigenda á Akureyri - þjónusta við hundaeigendur

Málsnúmer 2011050043Vakta málsnúmer

Lagt fram erindi dags. 9. maí 2011 frá Gunnari Hansen formanni Félags hundaeigenda á Akureyri þar sem óskað er eftir svörum í þremur liðum um þjónustu Akureyrarkaupstaðar við hundaeigendur á Akureyri.

Framkvæmdaráð fagnar stofnun Félags hundaeigenda á Akureyri og felur Jóni Birgi Gunnlaugssyni forstöðumanni umhverfismála jafnframt að svara erindinu og að leita eftir samstarfi við félagið í framtíðinni.

3.Isavia ohf - uppsögn þjónustusamnings um viðbúnaðarþjónustu á flugvellinum á Akureyri

Málsnúmer 2010110004Vakta málsnúmer

Þorbjörn Haraldsson slökkviliðsstjóri og Eiríkur Björn Björgvinsson bæjarstjóri mættu á fundinn undir þessum lið og gerðu grein fyrir næstu viðbrögðum vegna þjónustusamnings við Isavia ohf, en hann fellur úr gildi eftir 6 mánuði.
Isavia er rekstraraðili flugvallarins á Akureyri og Akureyrarbær gerðu með sér samning um viðbúnaðarþjónustu á Akureyrarflugvelli þann 9. nóvember árið 2000. Samningurinn rennur út þann 1. desember 2011.
Viðræður hafa staðið yfir í vetur um framlengingu samningsins. Isavia óskaði eftir verulegum breytingum á verkþáttum í samningnum sem starfsmenn Slökkviliðs Akureyrar og Akureyrarbær geta ekki samþykkt.
Isavia hefur því samkvæmt erindi dags. 19. maí 2011 ákveðið að taka sjálft að sér þau verkefni sem Slökkvilið Akureyrar sinnir á Akureyrarflugvelli. Þessi ákvörðun kallar óhjákvæmilega á fækkun um 10 störf hjá Slökkviliði Akureyrar.
Halla Björk Reynisdóttir L-lista vék af fundi undir þessum lið.

Framkvæmdaráð felur slökkviliðsstjóra í samstarfi við bæjarstjóra, bæjartæknifræðing, starfsmannastjóra, bæjarlögmann og Landssamband slökkviliðs- og sjúkraflutningamanna að vinna að frágangi málsins.

4.Slökkvilið Akureyrar starfsmannamál

Málsnúmer 2011050139Vakta málsnúmer

Þorbjörn Haraldsson slökkviliðsstjóri og Eiríkur Björn Björgvinsson bæjarstjóri sátu fundinn undir þessum lið og fóru yfir minnisblöð vinnuhópa vegna starfsmannamála hjá Slökkviliði Akureyrar.

Framkvæmdaráð heimilar bæjartæknifræðingi og slökkviliðsstjóra að halda áfram vinnu vinnuhópa vegna starfsmannamála hjá Slökkviliði Akureyrar.

Málið verður tekið fyrir að nýju á næsta fundi.

5.Tjarnartún - umferðarmál og sorphirða

Málsnúmer 2011020055Vakta málsnúmer

Bæjarráð vísaði til skipulagsnefndar athugasemd úr viðtalstímum bæjarfulltrúa 17. og 24. febrúar 2011 þar sem Hjördís Jónsdóttir og Kristján Ólafsson, Tjarnartúni 9, vilja að létt verði á umferðinni um Tjarnartún sem þau telja vera of mikla og of hraða. Gatan er skilgreind 30 km gata. Þau benda á að nauðsynlegt sé að kannað verði hvort ekki megi gera úrbætur áður en hverfið byggist frekar upp og þá helst þannig að akstursleiðum út úr hverfinu verði fjölgað.
Skipulagsnefnd óskaði eftir því á fundi sínum þann 9. mars sl. við framkvæmdaráð að gengið verði frá 30 km hliði við Naustagötu og óskar jafnframt eftir áætlun um uppsetningu hliða og aðrar aðgerðir vegna 30 km hverfa í bænum.

Framkvæmdaráð hefur gengið frá framkvæmdaáætlun ársins í ár og er 30 km hlið við Tjarnartún ekki inni í þeirri áætlun. Framkvæmdadeild er búin að óska eftir því við skipulagsdeild að fá samþykkta áætlun um uppsetningu hliða og aðrar aðgerðir vegna 30 km hverfa í bænum enda fer sú deild með umferðarmálin en ekki framkvæmdadeildin.

6.Hrafnagilsstræti/Þórunnarstræti - umferðarmál

Málsnúmer 2011020053Vakta málsnúmer

Bæjarráð vísaði til skipulagsnefndar athugasemd úr viðtalstímum bæjarfulltrúa 17. febrúar 2011 þar sem Elmar Arnarson, Hrafnagilsstræti 31, 600 Akureyri, greinir frá áhyggjum af umferðarhraða um Hrafnagilsstræti og leggur til að hraðahindrunum verði fjölgað í götunni.
Skipulagsnefnd óskaði eftir því á fundi sínum þann 9. mars sl. við framkvæmdaráð að gengið verði frá 30 km hliði við gatnamót Mýrarvegar, að hraði í götunni verði mældur og að skoðaður verði kostnaður við uppsetningu 5 hraðamyndavéla í bænum.

Framkvæmdaráð hefur gengið frá framkvæmdaáætlun ársins í ár og er upphækkun við Mýrarveg ekki inni í þeirri áætlun.

Framkvæmdadeild er búin að mæla hraðann og hefur kannað mögulegan kostnað við uppsetningu hraðamyndavéla og sent skipulagsstjóra niðurstöðurnar.

Fundi slitið - kl. 12:00.