Félagsmálaráð

1179. fundur 12. febrúar 2014 kl. 14:00 - 16:50 Fundarsalur á 4. hæð í Glerárgötu 26
Nefndarmenn
  • Dagur Fannar Dagsson formaður
  • Tryggvi Þór Gunnarsson
  • Oktavía Jóhannesdóttir
  • Valur Sæmundsson
  • Guðlaug Kristinsdóttir áheyrnarfulltrúi
Starfsmenn
  • Guðrún Ólafía Sigurðardóttir framkvæmdastjóri
  • Soffía Lárusdóttir framkvæmdastjóri
  • Halldór Sigurður Guðmundsson framkvæmdastjóri
  • Karl Guðmundsson framkvæmdastjóri
  • Þráinn Brjánsson fundarritari
Dagskrá

1.Sérfræðiþjónusta leik- og grunnskóla

Málsnúmer 2014020004Vakta málsnúmer

Guðrún Sigurðardóttir framkvæmdastjóri lagði fram minnisblað dags. 29. janúar 2014 þar sem lagt er til að ráðinn verði forstöðumaður við sérfræðiþjónustu leik- og grunnskóla frá haustinu 2014.

Félagsmálaráð samþykkir að ráðinn verði forstöðumaður við sérfræðiþjónustu leik- og grunnskóla.

2.Húsaleigubætur 2013 - áfrýjanir

Málsnúmer 2013110078Vakta málsnúmer

Lögð fyrir áfrýjun vegna húsaleigubóta sem var frestað 27. nóvember 2013.

Erindi fært í trúnaðarbók félagsmálaráðs.

3.Félagsmálaráð - rekstraryfirlit 2013

Málsnúmer 2013010124Vakta málsnúmer

Guðrún Sigurðardóttir framkvæmdastjóri fjölskyldudeildar, Halldór Sigurður Guðmundsson framkvæmdastjóri öldrunarheimila Akureyrar, Karl Guðmundsson framkvæmdastjóri HAK og Soffía Lárusdóttir framkvæmdastjóri búsetudeildar lögðu fram og fóru yfir rekstrarniðurstöður sinna deilda fyrir árið 2013.

Félagsmálaráð þakkar kynninguna.

4.ÖA - velferð og tækni, velferðartækni

Málsnúmer 2013010215Vakta málsnúmer

Lagt fram minnisblað dags. 10. febrúar 2014 varðandi undirbúning að ráðstefnu um "nýsköpun og tækni í velferðarþjónustu" sem halda á á Akureyri 5. og 6. júní nk.

Félagsmálaráð lýsir yfir ánægju með framtakið.

5.Heilsugæslustöðin á Akureyri - samningar við Ríkið

Málsnúmer 2014020032Vakta málsnúmer

Karl Guðmundsson framkvæmdastjóri HAK kynnti hugmynd frá Sjúkratryggingastofnun um framlag til HAK til viðbótar fjárlögum 2014.

Félagsmálaráð telur þessa viðbótarfjárhæð alls ekki fullnægjandi miðað við núverandi hallarekstur og þann launamun sem starfsmenn HAK búa við nú þegar.

Félagsmálaráð fer fram á það við Velferðarráðuneytið að hallarekstur HAK undanfarin ár verði gerður upp.

6.Búsetudeild - einstaklingsmál 2014

Málsnúmer 2014020048Vakta málsnúmer

Fært í trúnaðarbók félagsmálaráðs.

7.Búsetudeild - kynning á starfsemi 2014

Málsnúmer 2014020047Vakta málsnúmer

Soffía Lárusdóttir framkvæmdastjóri og Anna Marit Níelsdóttir verkefnisstjóri á búsetudeild kynntu framtíðarhugmyndir varðandi starfsemi félags- og þjónustumiðstöðvar aldraðra í Víðilundi og Bugðusíðu.

Félagsmálaráð leggur til við bæjarráð að stjórn félagsstarfs aldraðra í Víðilundi og Bugðusíðu færist undir samfélags- og mannréttindaráð frá og með 1. júní nk., sbr. greinargerð búsetudeildar dags. 12. febrúar 2014. Þjónustan verði þannig hluti af deild sem fer með annað félags- og tómstundastarf á vegum Akureyrarbæjar.

Félagsmálaráð vísar tillögunni til umsagnar samfélags- og mannréttindaráðs áður en hún fer fyrir bæjarráð.

Fundi slitið - kl. 16:50.