Félagsmálaráð

Lagt fram til kynningar yfirlit yfir veitta fjárhagsaðstoð árið 2013.

Jón Heiðar Daðason húsnæðisfulltrúi kynnti stöðuna um áramót á biðlista eftir leiguíbúðum Akureyrarbæjar. Lagt fram minnisblað Jóns Heiðars dags. 2. janúar 2014.

Fundargerð samráðsfundar Félags eldri borgara og fulltrúa Akureyrarbæjar dags. 10. desember 2013 lögð fram til kynningar og umræðu.

Gjaldskrá 2014 fyrir heimaþjónustu Akureyrarbæjar lögð fram.

Framkvæmdstjóri greindi frá beiðni til Fasteigna Akureyrarbæjar þar sem óskað er eftir að gerð verði endurbóta-/viðhaldsáætlun fyrir Víði- og Furuhlíð, í samræmi við tillögu að langtímaáætlun ÖA.
Lagt fram til kynningar.

Framkvæmdastjóri rakti þá vinnu sem farið hefur fram á síðustu mánuðum varðandi Sögu - heilbrigðisskráningarkerfi á ÖA. Verkefnið felur í sér endurnýjun á tölvum og þjálfun starfsmanna. Fjárhagsáætlun heimilanna gerir ráð fyrir afnotagjöldum en stofnkostnaður sem er um 7 milljónir króna, er framlag úr Gjafasjóði ÖA.
Framkvæmdastjóri skýrði einnig frá að þetta verkefni ásamt öðrum verkefnum s.s. "Vinnustund", "Tölvur og Tækni" og "Gæðahandbók ÖA" séu hluti af áherslum og stefnu ÖA um aukna rafræna skráningu.

Lagt fram minnisblað dags. 6. janúar 2014 frá framkvæmdastjóra vegna breytinga á stöðuheiti "hjúkrunardeildarstjóra", sem verður "forstöðumaður". Breytingin tekur gildi 1. janúar 2014 og gerð með samþykki viðkomandi starfsmanna og í samráði við Starfsmannaþjónustu bæjarins, enda felur stöðuheitisbreytingin ekki í sér neina aðra breytingu á starfslýsingu eða kjörum.

Framkvæmdastjóri greindi frá að hafin væri undirbúningur að innleiðingu á "Vinnustund" viðveru- og vaktakerfi. Kerfið mun koma í stað eldri kerfa "Bakvarðar" tímaskráningarkerfis og "time-care" vaktakerfis, sem verið hafa í notkun á ÖA. Innleiðing er hafin á einu af heimilum ÖA (Víði- og Furuhlíð) og er áætlað að öll heimilin verði komin inn í nýtt viðveru- og vaktakerfi í vor.