Félagsmálaráð

Áfrýjun vegna synjunar á heimaþjónustu.
Bergdís Ösp Bjarkadóttir forstöðumaður heimaþjónustu mætti undir þessum lið og kynnti niðurstöðu matshóps.

Soffía Lárusdóttir framkvæmdastjóri búsetudeildar kynnti búsetubreytingar undir trúnaðarmál. Gögn lögð fram á fundinum.

Rannveig Guðnadóttir starfsmaður færni- og heilsunefndar fór yfir stöðu mála á biðlistum eftir þjónustu við aldraða.

Guðrún Sigurðardóttir framkvæmdastjóri fjölskyldudeildar, Halldór Guðmundsson framkvæmdastjóri ÖA, Soffía Lárusdóttir framkvæmdastjóri búsetudeildar og Margrét Guðjónsdóttir framkvæmdastjóri heilsugæslustöðvar fóru yfir þriggja mánaða rekstur sinna deilda.

Í framhaldi af ákvörðun félagsmálaráðs um að leita eftir sakavottorði vegna auðgunarbrota, voru gerðar breytingar á eyðublöðum sem umsækjendur undirrita og eru síðan send til sakaskrár. Svör sakaskrár eru að ekki sé heimilt að gefa umbeðnar upplýsingar og vísað til að hver umsækjandi þurfi að sækja slíkt sakavottorð til sýslumanns. Í því felst kostnaður, tími og fyrirhöfn sem raskar ráðningarferlinu og tímaramma þess.
Því er lagt til að í stað sakavottorðs sem greini auðgunarbrot og dóma, verði umsækjendum gert að undirrita eigin staðfestingu um að þeir hafi ekki gerst brotlegir né verið dæmdir skv. ákvæðum 26. kafla hegningarlaga.

Margrét Guðjónsdóttir framkvæmdastjóri heilsugæslustöðvar fór yfir stöðuna á heilsugæslunni.