Félagsmálaráð

Ester Lára Magnúsdóttir félagsráðgjafi kynnti áfrýjun á afgreiðslu fjölskyldudeildar á umsókn um fjárhagsaðstoð. Áfrýjun og afgreiðsla hennar er færð í trúnaðarbók félagsmálaráðs.

Guðrún Sigurðardóttir framkvæmdastjóri fjölskyldudeildar kynnti tillögu að afskriftum lána í fjárhagsaðstoð að upphæð kr. 517.207.

Samningar Akureyrarbæjar við nágrannasveitarfélögin um ráðgjafarþjónustu renna út um nk. áramót.
Guðrún Sigurðardóttir framkvæmdastjóri fjölskyldudeildar og Kristín Sigursveinsdóttir framkvæmdastjóri búsetudeildar kynntu stöðu mála.

Margrét Guðjónsdóttir framkvæmdastjóri HAK kynnti kröfulýsingu fyrir heilsugæslu vegna þjónustusamnings sem er í vinnslu milli Akureyrarbæjar og Sjúkratrygginga Íslands.

Margrét Guðjónsdóttir framkvæmdastjóri HAK kynnti starfsemi og horfur í þjónustu heilsugæslustöðvarinnar.

Kristín Sigursveinsdóttir framkvæmdastjóri búsetudeildar kynnti tillögu, dags. 6. desember 2010, um breytingu á hámarksendurgreiðslu vegna kostnaðar liðveitanda. Núverandi hámark er kr. 3.000 á mánuði og hefur ekki hækkað frá árinu 2001. Lagt er til að frá 1. janúar 2011 hækki hámark endurgreidds kostnaðar í kr. 4.500 á mánuði. Að jafnaði skuli þó miða við að endurgreiddur kostnaður sé ekki hærri en kr. 400 á hvern liðveislutíma. Ávallt skal meta þörf á notkun þessarar heimildar þegar liðveislusamningur er gerður og einungis samþykkja kostnað þegar slíkt samræmist markmiðum og innihaldi liðveislunnar. Hámark endurgreiðslu skal koma fram í liðveislusamningi.