Bæjarstjórn

Bæjarstjórn samþykkir tillöguna með 11 samhljóða atkvæðum.

Bæjarstjórn samþykkir tillöguna með 11 samhljóða atkvæðum.

Bæjarstjórn samþykkir með átta atkvæðum að úthluta þremur lóðum að Hlíðarvöllum, merktar c, d og e í deiliskipulagi, til atNorth ehf. án auglýsingar með vísan til 2.3. gr. í reglum um úthlutun lóða. Er gert ráð fyrir að í kjölfar úthlutunar verði gerð breyting á deiliskipulagi sem felur í sér að lóðirnar þrjár, auk svæðis sem fara átti undir vegsvæði, verði sameinaðar lóð Hlíðarvalla 1. Mikilvægt er að gott samráð verði við Norðurorku um útfærslu breytingarinnar og að tekið sé tillit til fyrirliggjandi umsagnar dagsettri 26. mars 2025.

Bæjarstjórn samþykkir jafnframt með átta atkvæðum að gatnagerðargjald verði 15% sbr. heimild 1. mgr. 5.2. gr. í gjaldskrá gatnagerðar- og byggingarréttargjalda í Akureyrarbæ nr. 24/2024. Til viðbótar við gatnagerðargjald leggst á byggingarréttargjald til samræmis við gjaldskrá Akureyrarbæjar þar um.

Samþykkt bæjarstjórnar er með fyrirvara um að gerður verði samningur við atNorth um nýtingu glatvarma sem til verður við starfsemina. Skal samningurinn staðfestur af bæjarráði.


Sunna Hlín Jóhannesdóttir og Gunnar Már Gunnarsson B-lista og Jana Salóme Ingibjargar Jósepsdóttir V-lista sitja hjá og óska bókað:


Í reglum um úthlutun lóða er skipulagsráði í sérstökum undantekningartilvikum heimilt að veita vilyrði eða úthluta lóð/lóðum án undangenginnar auglýsingar að fengnu samþykki bæjarstjórnar. Tillagan sem nú liggur fyrir bæjarstjórn gerir ráð fyrir að lóðum undir gagnaver sé úthlutað í þriðja sinn án auglýsingar til tiltekins fyrirtækis, en án alls rökstuðnings þar um. Stöldrum heldur við í þetta sinn og gefum viðkomandi fyrirtæki svigrúm til þess að reisa fyrirhugaða skrifstofubyggingu, sem átti að rísa eftir fyrstu lóðarúthlutun. Gefum umsækjanda jafnframt tækifæri til að sýna fram á að hægt sé að nýta glatvarmann frá húsunum úr annarri úthlutun, því ekki var hægt að nýta hann frá fyrstu húsunum. Þá fyrst getum við samþykkt þessa úthlutun.

Bæjarstjórn samþykkir með 11 samhljóða atkvæðum framlagða eigandastefnu Akureyrarbæjar vegna fyrirtækja í eigu bæjarins og felur bæjarstjóra að útfæra aðgerðaáætlun um innleiðingu hennar. Fyrirséð er meðal annars að breytingar á stjórn Norðurorku þarfnast undirbúnings og koma ekki til innleiðingar fyrr en á aðalfundi 2026.

Bæjarstjórn fagnar framkominni þingsályktunartillögu um Borgarstefnu sem felur í sér að svæðisbundið hlutverk Akureyrarbæjar verði staðfest. Bæjarstjórn hvetur jafnframt til þess að unnin verði aðgerðaáætlun svo að innleiðing stefnunnar gangi eftir. Að öðru leyti leggur bæjarstjórn fram meðfylgjandi umsögn.

Bæjarstjórn telur að Háskólinn á Akureyri sé burðarás í samfélagi Norðurlands. Með víðtæku framboði á námi og staðbundinni þekkingarsköpun styður hann við byggðaþróun, jafnræði í menntun og nýsköpun á svæðinu. Skólinn hefur reynst lykill að því að halda ungu fólki í heimabyggð, laða að nýja íbúa og skapa fjölbreyttari atvinnumöguleika. Í ljósi umræðu um mögulega sameiningu við Háskólann á Bifröst er mikilvægt að tryggja að Háskólinn á Akureyri haldi framangreindri sérstöðu sinni og styrk svo að hann geti áfram verið drifkraftur menntunar, rannsókna og samfélagsþróunar á Norðurlandi.

Bæjarstjórn samþykkir tillöguna með 10 atkvæðum.


Hilda Jana Gísladóttir situr hjá og óskar bókað:

Ég tel að það geti verið jákvætt að skapa umhverfi þar sem foreldrar geta sameiginlega mótað samfélagssáttmála um hvað eina sem þau vilja er varðar uppeldi barna þeirra. Hinsvegar er hugtakið skjátími í mínum huga óheppilegt, þar sem það nær utan um tíma sem varið er í notkun á skjám sem getur talist mjög gagnlegt s.s. við lestur bóka, lærdóms, samtals við ættingja o.s.frv.

Bæjarstjórn lýsir yfir vonbrigðum með boðaða hækkun á gjaldskrá Hríseyjarferjunnar Sævars, þar sem gert er ráð fyrir að fargjald fullorðinna í upphringiferðir rúmlega tvöfaldist og fargjald ungmenna, öryrkja og ellilífeyrisþega í sömu ferðir rúmlega fjórfaldist. Bæjarstjórn felur bæjarstjóra að kalla eftir rökstuðningi hjá Vegagerðinni.