Bæjarstjórn

Bæjarstjórn samþykkir tillöguna með 11 samhljóða atkvæðum.

Bæjarstjórn samþykkir tillöguna með 11 samhljóða atkvæðum.

Bæjarstjórn samþykkir tillöguna með 11 samhljóða atkvæðum.

Bæjarstjórn samþykkir að semja við KPMG hf. um endurskoðun ársreikninga til næstu fimm ára.

Bæjarstjórn samþykkir fyrirliggjandi tillögu að aðalskipulagsbreytingu og að hún verði auglýst skv. 31. gr. skipulagslaga nr. 123/2010.

Bæjarstjórn samþykkir framlagða lýsingu aðalskipulagsbreytingar með sex atkvæðum og að hún verði kynnt skv. 1. mgr. 30. gr. skipulagslaga nr. 123/2010.


Hilda Jana Gísladóttir S-lista og Ásrún Ýr Gestsdóttir V-lista greiða atkvæði gegn tillögunni.


Andri Teitsson L-lista, Sunna Hlín Jóhannesdóttir B-lista og Gunnar Már Gunnarsson B-lista sitja hjá.


Bæjarfulltrúar Heimir Örn Árnason D-lista, Hulda Elma Eysteinsdóttir L-lista, Lára Halldóra Eiríksdóttir D-lista, Inga Dís Sigurðardóttir M-lista, Geir Kristinn Aðalsteinsson L-lista og Jón Hjaltason óháður óska bókað;

Við teljum ríka hagsmuni fyrir sveitarfélagið að uppbygging á umræddri lóð hefjist sem fyrst og að þar rísi húsnæði fyrir þjónustufyrirtæki. Breytingarnar sem verið er að óska eftir samræmast vel því skipulagi sem unnið er að á lóðum austan Naustagötu 13 og falla vel að markmiðum um aukna uppbyggingu íbúða sem kallað er eftir á landsvísu. Við samþykkjum því breytingu á skipulaginu en teljum þó mikilvægt að byggingarréttargjald verði sett á íbúðafermetra til samræmis við aðrar lóðir í sveitarfélaginu s.s. Móahverfi.


Hilda Jana Gísladóttir S-lista óskar bókað:

Það er óboðlegt að bæjarstjórn gæti ekki jafnræðis við úthlutun takmarkaðra gæða almennings, nema að fyrir því séu sérstök, málefnanleg og gild sjónarmið. Þar sem slík sjónarmið eru ekki fyrir hendi í þessu máli, þá getur ákvörðunin varla staðist skoðun. Það getur ekki verið réttlætanlegt að einum aðila sé gert kleift að gjörbreyta gildandi skipulagi, úr lóð þar sem byggja má hús á einni hæð fyrir verslun og þjónustu, yfir í fimm hæða hús fyrir verslun, þjónustu og íbúðir á efri hæðum, án þess að fyrir því séu mjög sterk, sérstök, málefnanleg og gild sjónarmið. Eðlilegt hefði verið að öllum hefði gefist kostur á að sækjast eftir umræddri lóð á gjörbreyttum forsendum, enda geta þær breytingar sem hér um ræðir haft veruleg áhrif á verðmæti lóðarinnar. Ég mótmæli því harðlega þeirri leið sem meirihluti bæjarstjórnar leggur til hér í dag og greiði atkvæði gegn þessum gjörningi. Það breytir því þó ekki að ég tel mikilvægt að koma upp verslun og þjónustu á umræddu svæði hið fyrsta og tel að hægt hefði verið að gæta jafnræðis og flýta fyrir uppbyggingu t.d. með því að auglýsa lóðina sem þróunarreit.


Sunna Hlín Jóhannesdóttir B-lista óskar bókað:

Það hefur verið vilji til þess að breyta skipulagi lóðar 13 eða verslunar- og þjónustulóðar á mörkum Nausta- og Hagahverfis í einhvern tíma þar sem nú er gert ráð fyrir einnar hæðar verslunarhúsi og stóru bílastæði. Í því samhengi hefur verið nefnt að þarna gæti risið húsnæði í anda Kaupangs. Sú hugmynd sem lóðarhafi hefur kynnt fyrir skipulagsráði er mikil breyting á upprunalegu skipulagi og ég óttast að bílakjallari og lítið bílastæðamagn, sem og fjöldi íbúða á 5 hæðum, muni rýra möguleika þess að minni rekstraraðilar hefji þarna rekstur. Eins tel ég óeðlilegt að einum aðila sé heimilt að breyta skipulagi svo verulega og jafnræðis því ekki gætt. Skipulagsráð bókaði í febrúar að ekki yrði framlengur frestur til að hefja framkvæmdir á lóðinni og var það skilningur minn að vilji væri til þess að breyta skipulagi lóðarinnar og auglýsa hana aftur. Að öllum yrði gert kleift að sækja um hana á breyttum forsendum. Þeirri ákvörðun var svo snúið í skipulagsráði í apríl þegar málið var tekið upp aftur án breyttra forsenda. Vinnubrögð sem eru okkur ekki til framdráttar.

Bæjarstjórn fagnar ákvörðun umhverfis-, orku- og loftslagsráðherra um að höfuðstöðvar nýrrar Umhverfis- og orkustofnunar verði staðsettar á Akureyri. Ákvörðunin felur í sér mikil tækifæri ekki aðeins fyrir íbúa Norðurlands heldur einnig fyrir landsbyggðina alla og íslenskt samfélag. Það að þekkingarstofnanir festi rætur á landsbyggðinni er rétt og mikilvægt skref sem stuðlar að öflugri byggðaþróun. Það er sérstök ástæða fyrir okkur Norðlendinga að gleðjast enda eru þetta stór tíðindi fyrir okkur öll.

Tillaga Sunnu Hlínar Jóhannesdóttur var borin upp til atkvæða. Þrír greiða atkvæði með tillögunni. Heimir Örn Árnason D-lista, Lára Halldóra Eiríksdóttir D-lista, Andri Teitsson L-lista, Hulda Elma Eysteinsdóttir L-lista, Geir Kristinn Aðalsteinsson L-lista og Inga Dís Sigurðardóttir M-lista greiða atkvæði gegn tillögunnni. Tillagan felld.


Tillaga meirihluta bæjarstjórnar var borin upp til atkvæða. Sex greiða atkvæði með tillögunni. Sunna Hlín Jóhannesdóttir B-lista, Gunnar Már Gunnarsson B-lista, Hilda Jana Gísladóttir S-lista og Ásrún Ýr Gestsdóttir V-lista sitja hjá.