Bæjarstjórn

Liður 2 í fundargerð bæjarráðs dagsettri 10. mars 2022:

Lagður fram viðauki 1.

Dan Jens Brynjarsson sviðsstjóri fjársýslusviðs og Kristín Baldvinsdóttir forstöðumaður hag- og áætlanagerðar sátu fund bæjarráðs undir þessum lið.

Bæjarráð samþykkir viðauka 1 með fimm samhljóða atkvæðum og vísar honum til staðfestingar í bæjarstjórn.

Guðmundur Baldvin Guðmundsson kynnti efni viðaukans.

Liður 2 í fundargerð skipulagsráðs dagsettri 9. mars 2022:

Lögð fram tillaga að deiliskipulagi fyrir athafnalóðir sunnan Hlíðarfjallsvegar. Kynningu á tillögu á vinnslustigi lauk þann 4. mars. Engar athugasemdir bárust. Umsagnir bárust frá Minjastofnun og Vegagerðinni.

Meirihluti skipulagsráðs leggur til við bæjarstjórn að hún samþykki tillöguna og að hún verði auglýst skv. 1. mgr. 41. gr. skipulagslaga nr. 123/2010.

Arnfríður Kjartansdóttir V-lista situr hjá við afgreiðslu málsins og óskar bókað að það sé of snemmt að ákveða núna hvaða starfsemi verður á umræddu athafnasvæði.

Þórhallur Jónsson kynnti tillögu skipulagsráðs. Í umræðum tóku til máls Hilda Jana Gísladóttir, Þórhallur Jónsson, Guðmundur Baldvin Guðmundsson og Sóley Björk Stefánsdóttir.

Rætt um starfsáætlun velferðarráðs fyrir árið 2022.

Heimir Haraldsson kynnti áætlunina. Í umræðum tóku til máls Lára Halldóra Eiríksdóttir, Sóley Björk Stefánsdóttir, Guðmundur Baldvin Guðmundsson, Hilda Jana Gísladóttir, Gunnar Gíslason, Halla Björk Reynisdóttir og Heimir Haraldsson.

Umræða um umferðaröryggismál á Akureyri.

Málshefjandi var Hilda Jana Gísladóttir sem reifaði málið og lagði fram tillögu að bókun. Auk hennar tók Andri Teitsson til máls.