Bæjarráð

3. liður í fundargerð stjórnar Akureyrarstofu dags. 13. febrúar 2014:
Tekin fyrir að nýju styrkbeiðni vegna Landsmóts kvennakóra á Íslandi sem haldið verður á Akureyri 9.- 11. maí 2014.
Stjórn Akureyrarstofu telur rétt að leitað verði leiða til að styðja við framkvæmd landsmótsins. Vegna umfangs verkefnisins óskar stjórnin eftir að bæjarráð taki umsóknina til afgreiðslu.

Lögð fram til kynningar fundargerð 251. fundar stjórnar Eyþings dags. 29. janúar 2014.
Fundargerðina má finna á slóðinni: https://www.eything.is/is/fundargerdir-1

Lagðar fram til kynningar fundargerðir aðalfundar hverfisnefndar Lunda- og Gerðahverfis dags. 12. september 2013 ásamt fundargerð 48. fundar hverfisnefndar dags. 6. janúar 2014.
Fundargerðirnar má finna á netslóðinni:\ https://www.akureyri.is/is/stjornkerfi/stjornsysla/hverfisnefndir/lunda-og-gerdahverfi

Lögð fram fundargerð viðtalstíma bæjarfulltrúa dags. 13. febrúar 2014. Fundargerðin er í 2 liðum.

Lögð fram til kynningar fundargerð 76. fundar, aðalfundar hverfisráðs Hríseyjar dags. 5. febrúar 2014 auk skýrslu stjórnar. Fundargerðina má finna á slóðinni: https://www.akureyri.is/is/stjornkerfi/stjornsysla/hverfisnefndir/hrisey/fundargerdir

4. liður í fundargerð kjarasamninganefndar dags. 14. febrúar 2014:
Kynnt tillaga að nýju starfi forstöðumanns á fjölskyldudeild sem samþykkt var í félagsmálaráði 13. febrúar 2014.
Kjarasamninganefnd leggur til við bæjarráð að nýtt starf forstöðumanns sérfræðiþjónustu við leik- og grunnskóla á fjölskyldudeild verði skilgreint sem forstöðumannsstarf. Lagt er til að greitt verði stjórnendaálag vegna starfsins skv. reglum Akureyrarbæjar um greiðslu stjórnendaálags.

Bæjarráð Akureyrar lýsir yfir þungum áhyggjum af því ótrygga atvinnuástandi sem íbúar Hríseyjar búa við. Mikilvægt er að grípa til bráðaaðgerða til að bregðast við því áfalli að Útgerðarfélagið Hvammur hafi sagt upp öllu sínu starfsfólki. Þá er afar brýnt að halda áfram markvissri vinnu til að tryggja blómlegt mannlíf í eynni til lengri tíma litið.