Bæjarráð

Í stjórnarsáttmála nýrrar ríkistjórnar er lagt til að stofnað verði sérstakt ríkisolíufélag. Tilgangur félagsins verði að halda utan um leyfi til olíu- og gasvinnslu og leggja grunn að því að hugsanlegur ávinningur af vinnslunni nýtist samfélaginu öllu og til langs tíma.

Bæjarráð kemur hér með þeirri hugmynd á framfæri við ríkisstjórn Íslands að höfuðstöðvar hins nýja ríkisolíufélags verði settar upp á Akureyri.

Lengi hefur verið rætt um mikilvægi þess að þegar ný starfsemi á vegum ríkisins er sett á fót sé kannað hvort staðsetja megi hana utan höfuðborgarsvæðisins. Þannig verði tryggt að atvinnustarfsemi á vegum ríkisins geti nýst til atvinnuþróunar og uppbyggingar á fleiri stöðum en einungis höfuðborgarsvæðinu þar sem nær allar ríkisstofnanir eru staðsettar fyrir.

Kjörið er að tengja skrifstofu hins nýja félags við starfsemi á sviði orku- og norðurslóðamála sem fyrir er á Akureyri.

Reynslan sýnir að umdeilt getur verið og ýmsum vandkvæðum bundið að flytja heilu ríkisstofnanirnar frá höfuðborgarsvæðinu. Þess vegna er sérstaklega mikilvægt að hyggja að byggðaþróun þegar nýjar stofnanir verða til. Við stofnun ríkisolíufélagsins gefst kjörið tækifæri til þess.

Bæjarráð vísar 1. lið til framkvæmdadeildar, 2. lið til Heilbrigðiseftirlits Norðurlands eystra, 3. liður er lagður fram til kynningar í bæjarráði og 4. lið er vísað til til skrifstofustjóra Ráðhúss.

Bæjarráð samþykkir að bæjarstjóri verði fulltrúi Akureyrarbæjar á ráðstefnunni.

Bæjarráð felur Katrínu Björgu Ríkarðsdóttur framkvæmdastjóra samfélags- og mannréttindadeildar að svara erindinu.

Bæjarráð samþykkir tillögu félagsmálaráðs og vekur um leið athygli á að með upptöku sérstakra húsaleigubóta mun húsnæðiskostnaður þeirra tekjulægri haldast því sem næst óbreyttur.

Bæjarráð samþykkir framlagðar forsendur með 4 atkvæðum gegn atkvæði Sigurðar Guðmundssonar A-lista.