Bæjarráð

Tekið fyrir að nýju, bæjarráð frestaði afgreiðslu á fundi sínum þann 3. maí sl. 3. lið í fundargerð samfélags- og mannréttindaráðs dags. 18. apríl 2012:
Tekin fyrir beiðni frá Kristjáni Bergmann umsjónarmanni Ungmenna-Húss um að Ungmenna-Húsið fái til ráðstöfunar þá fjármuni sem lagðir hafa verið í skapandi sumarstörf í gegnum sumarvinnu 17-25 ára. Ungmenna-Húsið geti þá hagað skapandi sumarstörfum þannig að þau nýtist þátttakendum betur. Alfa Aradóttir forstöðumaður æskulýðsmála sat fundinn undir þessum lið.
Samfélags- og mannréttindaráð tekur vel í erindið og vísar því til bæjarráðs.

Lögð fram fundargerð viðtalstíma bæjarfulltrúa dags. 10. maí 2012. Fundargerðin er í 5 liðum.

1. liður í fundargerð stjórnar Fasteigna Akureyrarbæjar dags. 11. maí 2012:
Lagt fram kauptilboð Akureyrarbæjar dags. 10. maí 2012 í íbúðina.
Stjórn Fasteigna Akureyrarbæjar samþykkir kaupin á íbúðinni.

2. liður í fundargerð stjórnar Fasteigna Akureyrarbæjar dags. 11. maí 2012:
Lagt fram kauptilboð Akureyrarbæjar dags. 8. maí 2012 í íbúðina.
Stjórn Fasteigna Akureyrarbæjar samþykkir kaupin á íbúðinni.

3. liður í fundargerð stjórnar Fasteigna Akureyrarbæjar dags. 11. maí 2012:
Lagt fram undirritað gagntilboð í geymsluna við Dalsbraut dags. 26. apríl 2012.
Meirihluti stjórnar Fasteigna Akureyrarbæjar samþykkir söluna á geymslunni.
Njáll Trausti Friðbertsson, D-lista, situr hjá við afgreiðslu málsins og óskar bókað:
Mér finnst eðlilegt að eignir bæjarins séu auglýstar til sölu og þannig stuðlað að gegnsæi í stjórnsýslu bæjarins.

Erindi dags. 16. maí 2012 frá Jóhannesi Má Jóhannessyni f.h. stjórnar Skelfélagsins ehf, þar sem boðað er til aðalfundar félagsins fimmtudaginn 31. maí nk. á Hótel KEA, Akureyri og hefst hann kl. 10:00.

Erindi dags. 15. maí 2012 frá framkvæmdastjóra Skelfélagsins ehf þar sem fram kemur að stjórn Skelfélagsins hafi ákveðið að bjóða núverandi hluthöfum að kaupa nýtt hlutafé í hlutfalli við núverandi eign sína. Hlutur Akureyrarbæjar í Skelfélaginu er 2,1% og er hlutur bæjarins í þessu útboði því kr. 169.312.

Lögð fram til kynningar 796. fundargerð stjórnar Sambands íslenskra sveitarfélaga dags. 27. apríl 2012.

Lögð fram til kynningar skýrsla orlofsnefndar 2011 og yfirlit um rekstur Orlofssjóðs húsmæðra í Eyjafirði árið 2011.

Lagt fram til kynningar erindi dags. 3. maí 2012 frá formanni Icelandic Festival of Manitoba þar sem bæjarstjóra Akureyrar er boðið að taka þátt í 123. Íslendingadeginum í Gimli í Kanada dagana 3. til 6. ágúst 2012.

Að ósk Njáls Trausta Friðbertssonar D-lista var farið yrði yfir stöðu mála í framhaldi af fundi í Heiðarbæ 11. maí sl.

Njáll Trausti Friðbertsson D-lista óskaði eftir umræðu varðandi vegstyttingu við Blönduós.

Njáll Trausti Friðbertsson D-lista og Sigurður Guðmundsson A-lista lögðu fram eftirfarandi bókun:

Við hörmum embættisfærslu Ögmundar Jónassonar innanríkisráðherra sem hann viðhefur í bréfi til Vegagerðarinnar dagsettu 13. apríl síðastliðinn. Þar er Vegagerðinni gert skylt að draga hugmyndir sínar að nýrri veglínu svokallaðrar Húnavallabrautar til baka. Vegagerðin hafði áður óskað eftir að gert yrði ráð fyrir vegstæðinu í nýju aðalskipulagi Blönduóssbæjar og Húnavatnshrepps. Vegagerðin hefur skilgreint hlutverk sitt nánar með eftirfarandi hætti: Að þróa og sjá um vegakerfið á sem hagkvæmastan hátt með þarfir samfélagsins, öryggi vegfarenda og umhverfissjónarmið að leiðarljósi.
Í maí 2011 úrskurðaði núverandi umhverfisráðherra Svandís Svavarsdóttir að gert skyldi ráð fyrir vegstæðinu sem hér er fjallað um í aðalskipulagi þeirra sveitarfélaga sem hér eiga í hlut, sú ákvörðun var fyrst og fremst byggð á 28. gr. 2. mgr. Vegalaga frá 2007.
Með boðvaldsákvörðun sinni gengur innanríkisráðherra freklega fram gegn undirstofnun sinni og tilgangi og anda þeirra laga sem hér er getið að framan.