- Þjónusta
- Menntun
- Samgöngur og slökkvilið
- Umhverfismál
- Skipulag og byggingarmál
- Framkvæmdir
- Tímabókanir
- Velferð og fjölskyldan
- Stjórnkerfi
- Bæjarstjórn
- Stjórnsýsla
- Akureyri
- Útboð
- Fjármál og tölfræði
- Fyrir fjölmiðla
- Sveitarstjórnarkosningar 2022
- Mannlíf
- Þjónustugátt
- Fréttir
- Persónuverndarstefna Akureyrarbæjar
Bæjarráð
Dagskrá
1.Norðurorka hf - aðalfundur 2011
Málsnúmer 2011030066Vakta málsnúmer
Tölvupóstur dags. 4. mars 2011 frá Franz Árnasyni forstjóra f.h. stjórnar Norðurorku hf, þar sem boðað er til aðalfundar þann 18. mars nk. kl. 16:00 í fundarsal Norðurorku hf að Rangárvöllum.
2.Sólskógar ehf - ósk um endurskoðun á lóðaleigusamningi
Málsnúmer 2011020127Vakta málsnúmer
Erindi móttekið 23. febrúar 2011 frá Sólskógum ehf þar sem óskað er eftir endurskoðun á lóðaleigusamningi milli Akureyrarbæjar og Sólskóga ehf.
Bæjarráð felur bæjarstjóra að vinna áfram að málinu.
3.Vatnsaflsvirkjun í Glerárdal - frumathugun
Málsnúmer 2010030142Vakta málsnúmer
Tekið fyrir að nýju, bæjarráð frestaði afgreiðslu á fundi sínum þann 17. febrúar sl. erindi dags. 11. febrúar 2011 frá Fallorku ehf, þar sem óskað er eftir að Akureyrarbær taki afstöðu til breytingar á aðal- og deiliskipulagi Glerárdals og hefji þá vinnu með það fyrir augum að Fallorku ehf verði heimilað að reisa þar um 2,0 MW vatnsaflsvirkjun.
Halla Björk Reynisdóttir L-lista, Dan Jens Brynjarsson fjármálastjóri og Jón Bragi Gunnarsson hagsýslustjóri viku af fundi undir þessum lið vegna stjórnarsetu í Fallorku ehf.
Halla Björk Reynisdóttir L-lista, Dan Jens Brynjarsson fjármálastjóri og Jón Bragi Gunnarsson hagsýslustjóri viku af fundi undir þessum lið vegna stjórnarsetu í Fallorku ehf.
Bæjarráð telur ekki ástæðu til að ráðast í virkjun í Glerá að svo stöddu og samþykkir með 3 atkvæðum gegn atkvæði Ólafs Jónssonar D-lista að hafna erindinu.
Andrea Sigrún Hjálmsdóttir V-lista óskar bókað:
Á fundi bæjarráðs þann 17. febrúar 2011 fagnaði áheyrnarfulltrúi VG hugmyndum um virkjun í Glerá. Við bæjarbúar eigum orkulind í bakgarðinum og það samræmist hugmyndum um sjálfbærni samfélags að virkja eigin orku og taka þannig ábyrgð á rafmagnsnotkun okkar. Það teljum við rök í umræðunni en vissulega ekki þau einu. Ef sérstæð náttúra Glerárgils er í húfi hefur hún vissulega jafnmikið vægi í umræðunni og skal ávallt njóta vafans séu umhverfisáhrif neikvæð eða jafnvel óljós.
Þær rýru upplýsingar sem kjörnir fulltrúar hafa í höndunum varðandi áhrif virkjunarinnar á vatnsbúskap Glerár, útfærslu mannvirkja og um náttúrufar á svæðinu eru engan veginn fullnægjandi til þess að hægt sé að taka svo stóra ákvörðun sem hér liggur fyrir. Þá er algjört grundvallaratriði að fyrir liggi hvernig umhverfismati skuli háttað á svæðinu sem um ræðir.
Aðalinntak fyrrnefndrar bókunnar frá 17. febrúar sl. var ákall eftir því að hugað sé að skipulagi Glerárdals alls sem útivistarsvæðis og náttúruperlu. Vinstri hreyfingin grænt framboð kallar hér eftir því að stefnumótun um Glerárdal allan liggi fyrir þótt deiliskipulag sé hugsanlega ekki tilbúið. Einnig að lagðar verði fram formlegar tillögur um það hvernig aðalskipulagi verði breytt þannig að þar komi fram skýr stefnumótun um Glerárdal og útfærslu raflínunnar sem fyrirhuguð er frá Akureyri að Kröflu.
Hermann Jón Tómasson S-lista og Anna Hildur Guðmundsdóttir A-lista óska bókað:
Við teljum eðlilegt að þetta mál fái umræðu og afgreiðslu í fagnefndum en ekki aðeins í bæjarráði. Í viðkvæmu máli sem þessu er þarft að vanda málsmeðferðina og tryggja að mismunandi sjónarmið og rökstuðningur fyrir þeim fái nauðsynlega umræðu innan stjórnkerfis bæjarins áður en ákvörðun er tekin um afgreiðslu erindisins. Þess vegna lýsum við óánægju okkar með málsmeðferðina.
Ólafur Jónsson D-lista óskar bókað:
Ég tel virkjun í efri hluta Glerár vænlegan kost og tel eðlilegt í ljósi nýrra arðsemisútreikninga Fallorku ehf að þessi virkjunarkostur verði skoðaður frekar. Ég lýsi því yfir ákveðnum vonbrigðum mínum að málið verði ekki skoðað frekar af hálfu bæjarins.
4.Fjárhagsáætlun Akureyrarbæjar - þriggja ára áætlun 2012-2014
Málsnúmer 2011010090Vakta málsnúmer
Unnið að gerð þriggja ára áætlunar 2012-2014.
Bæjarráð vísar áætluninni til seinni umræðu í bæjarstjórn.
5.Stytting hringvegarins - Húnavallaleið
Málsnúmer 2010060123Vakta málsnúmer
Vegagerðin hefur að undanförnu kynnt tillögu um nýjan stofnveg, svonefnda Húnavallaleið, sem myndi stytta leiðina milli Reykjavíkur og Akureyrar um 14 km.
Halla Björk Reynisdóttir L-lista og Njáll Trausti Friðbertsson D-lista fóru á fund umhverfisráðherra, Svandísar Svavarsdóttur, 8.mars sl.
Tilgangur fundarins var að koma sjónarmiðum Akureyrarbæjar á framfæri varðandi styttingu leiðarinnar á milli Akureyrar og Reykjavíkur, en umhverfisráðherra á eftir að úrskurða um málið. Rætt var um umhverfislegan ávinning sem og fjárhagslegan ávinning íbúa Akureyrar í formi flutningskostnaðar, en ekki hvað síst um umferðaröryggi á umræddum köflum leiðarinnar.
Halla Björk Reynisdóttir L-lista og Njáll Trausti Friðbertsson D-lista fóru á fund umhverfisráðherra, Svandísar Svavarsdóttur, 8.mars sl.
Tilgangur fundarins var að koma sjónarmiðum Akureyrarbæjar á framfæri varðandi styttingu leiðarinnar á milli Akureyrar og Reykjavíkur, en umhverfisráðherra á eftir að úrskurða um málið. Rætt var um umhverfislegan ávinning sem og fjárhagslegan ávinning íbúa Akureyrar í formi flutningskostnaðar, en ekki hvað síst um umferðaröryggi á umræddum köflum leiðarinnar.
Bæjarráð felur bæjarstjóra að óska eftir fundi með sveitarstjórum Blönduóssbæjar og Húnavatnshrepps til þess að ræða mismunandi hagsmuni sveitarfélaganna.
6.Önnur mál
Málsnúmer 2011010003Vakta málsnúmer
Dan Jens Brynjarsson fjármálastjóri upplýsti um stofnfund hlutafélags um gerð Vaðlaheiðarganga sem haldinn var 9. mars sl.
Fundi slitið - kl. 10:38.
Bæjarráð felur bæjarstjóra að fara með umboð Akureyrarbæjar á fundinum.