Bæjarráð

Bæjarráð samþykkir beiðni SSNE um aukaframlag að fjárhæð kr. 9.199.869 með fimm samhljóða atkvæðum og felur sviðsstjóra fjársýslusviðs að útbúa viðauka vegna málsins.

Gunnar Gíslason D-lista leggur fram eftirfarandi bókun:

Ég samþykki beiðni stjórnar SSNE um aukaframlag enda ekki annað að gera. Ég tel að það hefði aldrei þurft að koma til þess neikvæða ferlis sem er lokið með þeirri dómssátt sem vísað er til í erindinu, ef rétt hefði verið haldið á starfslokamáli fyrrverandi framkvæmdastjóra Eyþings frá upphafi.

Bæjarráð samþykkir samkomulagið með fimm samhljóða atkvæðum og felur sviðsstjóra fjársýslusviðs að útbúa viðauka vegna málsins.

Bæjarráð samþykkir stofnun starfshóps um endurskoðun á leiðakerfi SVA með fimm samhljóða atkvæðum. Bæjarráð tilnefnir Guðmund Baldvin Guðmundsson og Evu Hrund Einarsdóttur sem fulltrúa bæjarráðs í starfshópinn. Jafnframt felur bæjarráð formanni bæjarráðs að ganga frá erindisbréfi fyrir starfshópinn.

Bæjarráð tekur jákvætt í erindið og felur bæjarstjóra að svara því.

Bæjarráð felur bæjarstjóra og sviðsstjóra fjársýslusviðs að óska eftir viðræðum við bréfritara.

Bæjarráð felur bæjarstjóra að fara með umboð Akureyrarbæjar á fundinum.

Bæjarráð vísar liðum 1, 3, 4, 5 og 7 til umhverfis- og mannvirkjaráðs, lið 2 er vísað til samfélagssviðs til skoðunar, lið 8 til bæjarstjóra og lið 9 til fjölskyldusviðs. Liður 6 er lagður fram til kynningar.

Bæjarráð tekur undir eftirfarandi bókun stjórnar Sambands íslenskra sveitarfélaga um fjármögnun hjúkrunarheimila:

Stjórn sambandsins lýsir verulegum áhyggjum yfir stöðu viðræðna um samninga vegna hjúkrunarheimila og hvernig samskipti aðila hafa þróast á undanförnum mánuðum. Óviðunandi er að ríkið neyti aflsmunar í þessum samskiptum og þvingi ítrekað fram niðurskurð á greiðslum til verkefna sem eru á ábyrgð ríkisins samkvæmt lögum. Þannig er þrýst á sveitarfélögin að niðurgreiða þá þjónustu sem þau veita í umboði ríkisins.

Það er eðlileg krafa að rekstraraðilum hjúkrunarheimila verði tryggt fjármagn í takti við þjónustuþyngd og þarfir íbúa. Einnig þarf að taka tillit til staðbundinna aðstæðna sem einkum reynir á hjá hjúkrunarheimilum sem rekin eru með tengingu við sveitarfélög.

Í nýgerðu samkomulagi milli Sjúkratrygginga Íslands annars vegar og Samtaka fyrirtækja í velferðarþjónustu og sambandsins hins vegar, er kveðið á um að aðilar láti í sameiningu kanna rekstrarskilyrði hjúkrunarheimila. Stjórn sambandsins leggur áherslu á að sú vinna skapi nýjan grundvöll fyrir viðræður aðila, þar sem horft verði til þeirra faglegu krafna sem gerðar eru til þjónustunnar, og jafni þann aðstöðumun sem verið hefur í viðræðunum. Til þess að árangur náist í þeirri vinnu er nauðsynlegt að fá hlutlausan þriðja aðila til að annast greiningarvinnu og þá vinnu þarf að fjármagna. Vert er að undirstrika að heildarkostnaður við þjónustu hjúkrunarheimila er metinn á rúma 32 milljarða króna. Þegar slíkir hagsmunir eru í húfi er mikilvægt að vandað sé til verka með það að markmiði að full sátt náist að vinnu lokinni.

Stjórnin minnir að lokum á að fjárveitingarvaldið liggur hjá Alþingi sem lýst hefur ríkum skilningi á að leiðrétta þurfi rekstrargrundvöll þeirrar mikilvægu þjónustu sem veitt er á hjúkrunar- og dvalarheimilum.

Bæjarráð telur að ekki verði við núverandi ástand unað og að óbreyttu sér bæjarráð ekki aðra leið færa en að skila rekstri öldrunarheimila til ríkisins sem ber með lögum ábyrgð á rekstrinum.

Bæjarráð felur bæjarstjóra að senda inn umsögn vegna málsins í samræmi við umræður á fundinum.