Bæjarráð

3630. fundur 07. mars 2019 kl. 08:15 - 12:12 Fundaaðstaða bæjarstjóra á 3. hæð Ráðhúss
Nefndarmenn
  • Guðmundur Baldvin Guðmundsson formaður
  • Halla Björk Reynisdóttir
  • Hilda Jana Gísladóttir
  • Eva Hrund Einarsdóttir
  • Gunnar Gíslason
  • Hlynur Jóhannsson áheyrnarfulltrúi
  • Sóley Björk Stefánsdóttir áheyrnarfulltrúi
Starfsmenn
  • Ásthildur Sturludóttir bæjarstjóri
  • Kristín Sóley Sigursveinsdóttir forstöðumaður upplýsinga- og þjónustudeildar ritaði fundargerð
Fundargerð ritaði: Kristín Sóley Sigursveinsdóttir forstöðumaður upplýsinga- og þjónustudeildar
Dagskrá

1.Stjórnsýslubreytingar - úttekt

Málsnúmer 2017110159Vakta málsnúmer

Rætt um minnisblað aðstoðarmanns bæjarstjóra, dagsett 21. febrúar 2019, um stöðu innleiðingar stjórnsýslubreytinga sem tóku gildi í ársbyrjun 2017.

Hulda Sif Hermannsdóttir aðstoðarmaður bæjarstjóra sat fund bæjarráðs undir þessum lið.
Umræðum verður haldið áfram á næsta fundi.

2.Fjárhagsáætlun Akureyrarbæjar 2020-2023 - fjárhagsáætlunarferli

Málsnúmer 2019020276Vakta málsnúmer

Lögð fram drög að vinnuferli vegna gerðar fjárhagsáætlunar fyrir árin 2020-2023. Málið var áður á dagskrá bæjarráðs 21. febrúar sl.

Dan Jens Brynjarsson sviðsstjóri fjársýslusviðs sat fund bæjarráðs undir þessum lið.
Bæjarráð samþykkir framlögð drög að vinnuferli vegna gerðar fjárhagsáætlunar, með þeim breytingum sem gerðar voru á fundinum, með 5 samhljóða atkvæðum.

3.Brú lífeyrissjóður, samkomulag um uppgjör

Málsnúmer 2017120515Vakta málsnúmer

Erindi dagsett 29. janúar 2019 frá Brú lífeyrissjóði, þar sem óskað er eftir að sveitarfélagið gangi til uppgjörs við lífeyrissjóðinn vegna ógreidds framlags sem Hjallastefnan telur sig ekki skylduga til að greiða.

Dan Jens Brynjarsson sviðsstjóri fjársýslusviðs sat fund bæjarráðs undir þessum lið.
Bæjarráð samþykkir með 5 samhljóða atkvæðum að fela sviðsstjóra fjársýslusviðs að kalla eftir frekari upplýsingum varðandi málið áður en afstaða verður tekin.

4.Hafnasamlag Norðurlands bs. - samþykkt

Málsnúmer 2019030015Vakta málsnúmer

Lögð fram drög að breytingum á stofnsamningi Hafnasamlags Norðurlands bs.

Inga Þöll Þórgnýsdóttir bæjarlögmaður sat fund bæjarráðs undir þessum lið.
Meirihluti bæjarráðs samþykkir með 4 greiddum atkvæðum framlögð drög að breytingum á stofnsamningnum með þeim breytingum sem gerðar voru á fundinum.

Gunnar Gíslason D-lista situr hjá við afgreiðslu.

5.Samráðshópur um málefni fatlaðs fólks - samþykkt

Málsnúmer 2018120116Vakta málsnúmer

Lagðar fram athugasemdir notendaráðs fatlaðs fólks, dagsettar 26. febrúar 2019, við drög að samþykkt fyrir samráðshóp um málefni fatlaðs fólks. Málið var áður á dagskrá bæjarráðs 7. febrúar 2019 og samþykkti ráðið þá drögin fyrir sitt leyti og óskaði eftir umsögn notendaráðsins að nýju vegna þeirra breytinga sem gerðar höfðu verið frá fyrri drögum.

Inga Þöll Þórgnýsdóttir bæjarlögmaður og Karólína Gunnarsdóttir starfandi sviðsstjóri fjölskyldusviðs sátu fund bæjarráðs undir þessum lið.
Bæjarráð samþykkir framlögð drög að samþykkt fyrir samráðshóp um málefni fatlaðs fólks, með þeim breytingum sem gerðar voru á fundinum, með 5 samhljóða atkvæðum og vísar þeim til afgreiðslu bæjarstjórnar.

6.Frumvarp til laga um hollustuhætti og mengunarvarnir o.fl. (stjórnvaldssektir o.fl.), 542. mál

Málsnúmer 2019020446Vakta málsnúmer

Lagt fram til kynningar erindi dagsett 27. febrúar 2019 frá umhverfis- og samgöngunefnd Alþingis þar sem óskað er umsagnar um frumvarp til laga um hollustuhætti og mengunarvarnir o.fl. (stjórnvaldssektir o.fl.), 542. mál 2019.

Þess er óskað að undirrituð umsögn berist eigi síðar en 13. mars nk. á netfangið nefndasvid@althingi.is.

Þingskjalið er hægt að sækja á vef Alþingis: https://www.althingi.is/altext/149/s/0895.html

Inga Þöll Þórgnýsdóttir bæjarlögmaður og Alfreð Schiöth framkvæmdastjóri Heilbrigðiseftirlits Norðurlands eystra sátu fund bæjarráðs undir þessum lið.
Bæjarráð samþykkir með 5 samhljóða atkvæðum að fela bæjarlögmanni að senda inn athugasemdir við 10. og 19. grein frumvarpsins í samræmi við umræður á fundinum.

7.Tillaga til þingsályktunar um endurskoðun á lagaumhverfi er varðar uppkaup á landi, 184. mál

Málsnúmer 2019020437Vakta málsnúmer

Lagt fram til kynningar erindi dagsett 27. febrúar 2019 frá allsherjar- og menntamálanefnd Alþingis þar sem óskað er umsagnar um tillögu til þingsályktunar um endurskoðun á lagaumhverfi er varðar uppkaup á landi, 184. mál 2019. Þess er óskað að undirrituð umsögn berist eigi síðar en 13. mars nk. á netfangið nefndasvid@althingi.is.

Þingskjalið er hægt að sækja á vef Alþingis: https://www.althingi.is/altext/149/s/0187.html

Inga Þöll Þórgnýsdóttir bæjarlögmaður sat fund bæjarráðs undir þessum lið.

8.Viðtalstímar bæjarfulltrúa - fundargerðir 2019

Málsnúmer 2019010208Vakta málsnúmer

Lögð fram fundargerð viðtalstíma bæjarfulltrúa dagsett 28. febrúar 2019.
Bæjarráð vísar lið 2 til umhverfis- og mannvirkjasviðs, lið 3 til stjórnar Akureyrarstofu, liðum 4, 8 og 10 til skipulagssviðs, lið 5 til fræðslusviðs, lið 9 til umhverfis- og mannvirkjaráðs, lið 11 til fjölskyldusviðs og stjórnsýslusviðs og lið 12 til fjölskyldusviðs.

Liðir 1, 6 og 7 eru lagðir fram til kynningar.

9.Hverfisnefnd Oddeyrar - fundargerðir 2018 og 2019

Málsnúmer 2019020450Vakta málsnúmer

Lagðar fram tvær fundargerðir hverfisnefndar Oddeyrar, fundargerð 72. fundar dagsett 28. maí 2018 og fundargerð 73. fundar dagsett 20. febrúar 2019.

Fundargerðirnar má finna á vefslóðinni: https://www.akureyri.is/is/stjornkerfi/stjornsysla/hverfisnefndir/oddeyri/fundargerdir
Bæjarráð vísar liðum 2 og 3 í fundargerð 72. fundar til skipulagssviðs, lið 4 til umhverfis- og mannvirkjasviðs og lið 5 til upplýsinga- og þjónustudeildar. Liður 1 er lagður fram til kynningar.

Bæjarráð vísar liðum 1 og 3 í fundargerð 73. fundar til skipulagssviðs og lið 6 til Norðurorku. Liðir 2, 4 og 5 eru lagðir fram til kynningar.

10.Stjórn Hafnasamlags Norðurlands bs. - fundargerðir 2019

Málsnúmer 2019030011Vakta málsnúmer

Lagðar fram til kynningar fundargerðir stjórnar Hafnasamlags Norðurlands bs., fundargerð 236. fundar dagsett 23. janúar 2019 og fundargerð 237. fundar dagsett 13. febrúar 2019.

Fundargerðirnar er að finna á eftirfarandi slóð: https://www.port.is/isl/index.php?pid=167

11.Eyþing - fundargerðir fulltrúaráðs 2019

Málsnúmer 2019030026Vakta málsnúmer

Lögð fram til kynningar fundargerð fulltrúaráðs Eyþings dagsett 15. febrúar 2019.

Fundargerðina má nálgast á eftirfarandi slóð: https://www.eything.is/is/um-eything/fundargerdir

12.Stjórn Sambands íslenskra sveitarfélaga - fundargerðir 2019

Málsnúmer 2019010399Vakta málsnúmer

Lögð fram til kynningar fundargerð 868. fundar stjórnar Sambands íslenskra sveitarfélaga dagsett 22. febrúar 2019.

Fundargerðina má finna á vefslóðinni: http://www.samband.is/um-okkur/fundargerdir-stjornar/searchmeetings.aspx

Fundi slitið - kl. 12:12.