Afgreiðslufundur byggingarfulltrúa

Erindi dagsett 10. maí 2021 þar sem Rögnvaldur Harðarson fyrir hönd Júlí Óskar Antonsdóttur sækir um byggingarleyfi fyrir viðbyggingu við hús nr. 7 við Espilund. Meðfylgjandi eru teikningar eftir Rögnvald Harðarson. Fyrir liggur samþykki íbúa Espilundar 5 og 9 og Birkilundar 6, 8 og 10. Fyrir liggur breytt deiliskipulag. Innkomnar nýjar teikningar 28. júní 2021.

Erindi dagsett 1. júní 2021 frá Gísla Jóni Kristinssyni þar sem hann fyrir hönd Lögreglustjórans á Norðurlandi eystra sækir um leyfi til að breyta fangaklefum á 1. hæð í skrifstofuhúsnæði, breytingu í kjallara og fleiri breytingum. Meðfylgjandi eru teikningar eftir Gísla Jón Kristinsson. Innkomnar nýjar teikningar og brunahönnun 24. júní 2021.

Erindi dagsett 1. júní 2021 þar sem Svava Björk Bragadóttir fyrir hönd EF1 ehf. sækir um byggingarleyfi fyrir breytingum á rými 42 í húsi nr. 1 við Gleráreyrar, Glerártorgi. Breytingin er innra rými ásamt veitingaaðstöðu á gangi hússins. Meðfylgjandi eru teikningar eftir Svövu Björk Bragadóttur. Innkomnar nýjar teikningar 22. júní 2021 og ný brunahönnun 23. júní 2021.

Erindi dagsett 11. júní 2021 þar sem Hjörleifur Árnason sækir um stöðuleyfi fyrir matarvagn á lóðinni nr. 4 við Óseyri frá 1. september 2021 til 1. september 2022. Meðfylgjandi er mynd sem sýnir fyrirhugaða staðsetningu.

Innkomið 28. júní 2021 samþykki eigenda eigna á lóðinni.

Erindi dagsett 23. júní 2021 þar sem Rögnvaldur Harðarson fyrir hönd VA-verktaka ehf., sækir um byggingarleyfi fyrir raðhúsi á lóð 14-22 við Margrétarhaga. Meðfylgjandi eru teikningar eftir Rögnvald Harðarson. Jafnframt er sótt um byggingarleyfi fyrir jarðvegsskiptum á grundvelli fyrirliggjandi teikninga.

Erindi dagsett 9. apríl 2021 þar sem Sigríður Mack fyrir hönd Búfesti hsf. sækir um byggingarleyfi fyrir parhúsi á lóð nr. 23-25 við Skarðshlíð. Meðfylgjandi eru teikningar eftir Sigríði Mack. Innkomin ný gögn 30. júní 2021.

Erindi dagsett 10. maí 2021 þar sem Haraldur Sigmar Árnason fyrir hönd Fasteigna ehf. sækir um byggingarleyfi fyrir breytingum á húsi nr. 6 við Tungusíðu. Fyrirhugað er að gera breytingar á neðri hæð hússins mhl. 01 og neðri hæð mhl. 02. Meðfylgjandi eru teikningar eftir Harald S. Árnason. Innkomnar nýjar teikningar 24. júní 2021.

Erindi dagsett 23. júní 2021 þar sem Haraldur Sigmar Árnason fyrir hönd Hálanda ehf. sækir um byggingarleyfi fyrir gistiskála á tveimur hæðum með alls 24 gistieiningum í húsi nr. 5 á lóð nr. 3 við Heimaland. Meðfylgjandi eru teikningar eftir Harald S. Árnason. Innkomin ný gögn 30. júní 2021.

Erindi dagsett 3. júní 2021 frá Tryggva Tryggvasyni þar sem hann fyrir hönd Búfesti hsf. sækir um byggingarleyfi fyrir fjölbýlishúsi á lóð nr. 31 við Skarðshlíð. Meðfylgjandi eru teikningar eftir Tryggva Tryggvason. Innkomin ný gögn 1. júlí 2021.