Velferðarráð

Lagt var fram til kynningar yfirlit yfir veitta fjárhagsaðstoð fyrstu tvo mánuði ársins.

Snjólaug Jóhannesdóttir félagsráðgjafi kynnti áfrýjun í fjárhagsaðstoð.

Tekið fyrir erindi frá stjórn Geðverndarfélags Akureyrar og nágrennis dagsett 2. mars 2015 um rekstrarstyrk fyrir Grófina - geðverndarmiðstöð.

Lagður fram samningur, undirritaður 4. mars 2015, um fagleg samskipti HSN (HAK) og Akureyrarbæjar.

Á fundinn mætti Dagný Linda Kristjánsdóttir iðjuþálfi við Öldrunarheimilin til að segja frá verkefnum á sviði velferðartækni. Kynnti hún ýmis verkefni m.a. notkun á spjaldtölvum sem hluta af iðju og félagsstarfi á heimilunum. Nefndi hún m.a. myndatökur, upptökur, leiki og afþreyingu, tónlist/'playlist'/ipod, fjölskyldufundi og myndsímtöl, fræðsluefni, skemmtiefni og fleira.

Greint frá námskeiði um kynjaða fjárhagsáætlanagerð, en meðal tilmæla þar var að taka málið á dagskrá fagnefnda og að horft yrði á myndband frá samtökum sveitarfélaga í Svíþjóð (https://www.youtube.com/watch?v=xYikioYiilU&feature=youtu.be), samhliða því að greina frá umræðum/verkefnum sem unnið var að á námskeiðinu.

Tekin fyrir að nýju beiðni Öldrunarráðs Íslands um samstarf við Akureyrarkaupstað um að efna til 'framtíðarþings um farsæla öldrun'.
Halldór Sigurður Guðmundsson framkvæmdastjóri ÖA greindi frá samskiptum við fulltrúa Öldrunarráðs og Landsambands eldri borgara, varðandi áform um að efna til þingsins þann 11. eða 18. maí nk. Í samstarfinu felst að aðstoða við skipulagningu þingsins og þátttaka í kostnaði við þinghaldið.
Framkvæmdastjóri greindi frá að leitað sé eftir samstarfi við Háskólann á Akureyri um húsnæði og einnig þátttöku félags eldri borgara á Akureyri og víðar.
Fjárhagsáætlun vegna þinghaldsins gerir ráð fyrir útlögðum kostnaði kr. 550-600 þúsund.

Lagt var til að fella niður áætlaðan fund ráðsins þann 1. apríl og verður því næsti reglulegi fundur þann 15. apríl nk.