Velferðarráð

Velferðarráð óskar eftir að í næstu könnun verði bætt við ítarspurningum um þjónustu sveitarfélagsins við eldri borgara og fatlað fólk.

Á fundinum kom fram vilji til að halda stórþing fyrir eldri borgara nú strax í vor og sviðsstjórum velferðarsviðs og fræðslu- og lýðheilsusviðs falið að vinna að framgangi þess í samvinnu við EBAK. Að auki komu fram hugmyndir um þjónustukannanir, bæði er varðar þjónustu stuðningsþjónustu við aldraða, í Skógarlundi, stuðning við búsetu í þjónustukjörnum og stoðþjónustu.

Velferðarráð felur sviðsstjóra að gera rekstrarsamning, sem samsvarar hlutfalli Akureyrarbæjar miðað við íbúafjölda á Norðurlandi eystra, við Kvennaathvarfið á Akureyri til allt að þriggja ára.

Velferðarráð samþykkir að stofna vinnuhóp um framtíðarsýn húsnæðis- og atvinnumála í málaflokki fatlaðs fólks.

Í hópnum verða Hulda Elma Eysteinsdóttir og Elsa María Guðmundsdóttir fyrir hönd velferðarráðs, ásamt starfsfólki frá velferðarsviði.