Velferðarráð

1391. fundur 11. september 2024 kl. 14:00 - 15:36 Fundarsalur á 2. hæð í Glerárgötu 26
Nefndarmenn
  • Hulda Elma Eysteinsdóttir formaður
  • Lára Halldóra Eiríksdóttir
  • Hólmgeir Karlsson
  • Tanja Hlín Þorgeirsdóttir
  • Snæbjörn Ómar Guðjónsson
  • Elsa María Guðmundsdóttir áheyrnarfulltrúi
Starfsmenn
  • Karólína Gunnarsdóttir sviðsstjóri velferðarsviðs
  • Andrea Laufey Hauksdóttir fundarritari
Fundargerð ritaði: Andrea Laufey Hauksdóttir fundarritari
Dagskrá
Tinna Guðmundsdóttir F-lista og varamaður boðuðu forföll.
Tanja Hlín Þorgeirsdóttir B-lista sat fundinn í forföllum Guðbjargar Önnu Björnsdóttur.

1.Barnaverndarþjónusta á Norðurlandi eystra - samningar 2025

Málsnúmer 2024090421Vakta málsnúmer

Barnaverndarþjónusta velferðarsviðs hefur frá 1. júní 2024 sinnt níu sveitarfélögum auk Akureyrar. Samningar gilda til 31. desember 2024 og hefja þarf samningagerð. Fundað var með sveitarfélögunum 6. september sl. og lýstu þau öll yfir áhuga á því að halda þessu samstarfi áfram.

Breyta þarf m.a. heiti þjónustunnar sem er nú Barnaverndarþjónusta Eyjafjarðar í Barnaverndarþjónusta á Norðurlandi eystra.

Vilborg Þórarinsdóttir forstöðumaður sat fundinn undir þessum lið.
Velferðarráð lýsir yfir ánægju með að barnaverndarþjónustan á velferðarsviði haldi áfram að sinna barnaverndarþjónustu á Norðurlandi eystra og telur nýtt nafn, Barnaverndarþjónusta Norðurlands eystra, vel við hæfi.

2.Barnaverndarþjónusta - upplýsingar

Málsnúmer 2024090422Vakta málsnúmer

Lagt fram minnisblað dagsett 11. september 2024 þar sem fram kemur staðan í barnaverndarþjónustunni.

Vilborg Þórarinsdóttir forstöðumaður sat fundinn undir þessum lið.

3.Velferðarráð - fjárhagsáætlun 2025

Málsnúmer 2024050001Vakta málsnúmer

Lögð fram fyrstu drög að fjárhagsáætlun velferðarsviðs fyrir árið 2025.

Kolbeinn Aðalsteinsson forstöðumaður sat fundinn undir þessum lið.

4.Starfsáætlun velferðarsvið 2025

Málsnúmer 2024081611Vakta málsnúmer

Lögð fram drög að starfsáætlun velferðarsviðs fyrir árið 2025.

5.Skógarlundur - beiðni um viðauka

Málsnúmer 2024081621Vakta málsnúmer

Til að mæta þjónustuþörf nýrra skjólstæðinga og uppfylla þær kröfur sem gerðar eru til starfseminnar er óskað eftir að velferðarráð samþykki viðauka upp á kr. 7 milljónir fyrir árið 2024.

Kolbeinn Aðalsteinsson forstöðumaður sat fundinn undir þessum lið.
Velferðarráð samþykkir viðaukann fyrir sitt leyti og vísar til bæjarráðs.

Fundi slitið - kl. 15:36.