Velferðarráð

1333. fundur 17. febrúar 2021 kl. 14:00 - 17:00 Fjarfundur
Nefndarmenn
  • Heimir Haraldsson formaður
  • Gunnfríður Elín Hreiðarsdóttir
  • Hermann Ingi Arason
  • Lára Halldóra Eiríksdóttir
  • Maron Pétursson
  • Sigrún Elva Briem áheyrnarfulltrúi
Starfsmenn
  • Karólína Gunnarsdóttir þjónustustjóri velferðarsviðs
  • Guðrún Ólafía Sigurðardóttir sviðsstjóri velferðarsviðs
  • María Sigurbjörg Stefánsdóttir fundarritari
Fundargerð ritaði: María Sigurbjörg Stefánsdóttir
Dagskrá
Maron Pétursson L-lista mætti í forföllum Róberts Freys Jónssonar.

1.Úttekt á rekstri málaflokks fatlaðra

Málsnúmer 2021020057Vakta málsnúmer

Haraldur Líndal Haraldsson og Arnar Haraldsson ráðgjafar hjá HLH Ráðgjöf kynntu drög að niðurstöðum úttektar á rekstri málaflokks fatlaðra.
Velferðarráð þakkar kynninguna. Jafnframt felur ráðið sviðsstjóra og þjónustustjóra að skoða nánar þær tillögur sem fram koma í úttektinni og leggja fyrir ráðið drög að vinnuáætlun.

2.Nýbygging - öryggisgæsla

Málsnúmer 2019030202Vakta málsnúmer

Lagt fram minnisblað Guðrúnar Sigurðardóttur sviðsstjóra velferðarsviðs um stöðu öryggisvistunar og húsnæðismál dagsett 12. febrúar 2021.

Arna Jakobsdóttir forstöðumaður öryggisvistunar sat fundinn undir þessum lið.
Velferðarráð leggur mikla áheyrslu á að unnið verði að samkomulagi við ríkið um nýtt húsnæði fyrir öryggisvistun sem uppfyllir allar þarfir starfseminnar og felur sviðsstjóra að vinna áfram að málinu.

3.Aðgerðaáætlun í málefnum eldri borgara

Málsnúmer 2020010595Vakta málsnúmer

Tekin fyrir beiðni bæjarráðs um að skipa fulltrúa í vinnuhóp til þess að móta aðgerðaáætlun í málefnum eldri borgara.
Velferðarráð skipar Heimi Haraldsson formann velferðarráðs og Bergdísi Ösp Bjarkadóttur forstöðumann heimaþjónustu í vinnuhópinn.

Fundi slitið - kl. 17:00.