Velferðarráð

Lagt fram að nýju erindi dagsett 9. nóvember 2020 frá Erlingi Kristjánssyni forstöðumanni Fjölsmiðjunnar á Akureyri þar sem óskað er eftir endurnýjun á rekstrarstyrk. Fyrir liggja ný gögn sem eru 10 mánaða rekstarniðurstaða Fjölsmiðjunnar 2020, minnisblað frá Guðrúnu Sigurðardóttur sviðsstjóra fjölskyldusviðs dagsett 30. nóvember 2020, auk þess sem Erlingur Kristjánsson kynnti bréf sitt dagsett 29. nóvember 2020.

Karen Malmquist og Arnar Þór Jóhannesson fulltrúar í stjórn Fjölsmiðjunnar og Anna Marit Níelsdóttir forstöðumaður í félagsþjónustu sátu fundinn undir þessum lið.

Lagt fram erindi frá félagsmálaráðuneyti dagsett 5. nóvember 2020 varðandi þátttöku Akureyrarbæjar í tilraunaverkefni varðandi samræmda móttöku flóttafólks.

Anna Marit Níelsdóttir forstöðumaður í félagsþjónustu sat fundinn undir þessum lið.

Tekin til umræðu drög að fjárhagsáætlun.

Lagt fram erindi dagsett 13. nóvember 2020 frá Jólaaðstoð - samstarfi Mæðrastyrksnefndar Akureyrar, Hjálparstarfi kirkjunnar, Hjálpræðishersins á Akureyri og Rauða krossins við Eyjafjörð, þar sem óskað er eftir frjálsum framlögum til styrktar jólaaðstoðar.

Lagt fram erindi frá Stígamótum dagsett 9. nóvember 2020 þar sem óskað er eftir fjárstuðningi og samstarfi um reksturinn.

Lögð fram fundaáætlun velferðarráðs fyrir tímabilið janúar til júní 2021.

Lögð fram tillaga Guðrúnar Sigurðardóttur sviðsstjóra fjölskyldusviðs að afskriftum lána í fjárhagsaðstoð.

Lagt fram minnisblað Karólínu Gunnarsdóttur sviðsstjóra búsetusviðs og Kolbeins Aðalsteinssonar skrifstofustjóra búsetusviðs dagsett 30. nóvember 2020 um tillögu að hækkun tímagjalds NPA.

Tímagjald í NPA hefur hækkað reglulega frá því þjónustan hófst árið 2013. Nauðsynlegt er að tímagjald á hverjum tíma sé í takt við kjarasamninga þannig að NPA notendur geti greitt laun samkvæmt þeim.

Karólína Gunnarsdóttir sviðsstjóri búsetusviðs lagði fram tillögu að óbreyttri gjaldskrá fyrir Lautina, athvarf fyrir geðfatlað fólk og 2,5% hækkun gjaldskrár í heimaþjónustu Akureyrarbæjar. Lagt er til að gjaldskrá Lautarinnar verði kaffi/te kr. 100 og hádegismatur verði kr. 600. Fyrir heimaþjónustu verði gjald vegna aðstoðar við almenn heimilisstörf og rekstur erinda hækkað úr kr. 1.391 í kr. 1.426 og gjald vegna heimsends matar hækkað úr kr. 1.335 í kr. 1.369.

Gerð grein fyrir því hvernig styrkur félagsmálaráðuneytis var nýttur til að auka starfsemi og þjónustu í félagsstarfi og þjónustu við fullorðna sumarið 2020 vegna COVID-19.

Gerð grein fyrir því hvernig styrkur félagsmálaráðuneytis til að efla virkni, vellíðan og félagsfærni barna í viðkvæmri stöðu á tímum COVID-19 var nýttur sl. sumar.

Gerð grein fyrir því hvernig styrkur félagsmálaráðuneytis til að auka frístundastarfsemi fyrir fatlað fólk var nýtt sl. sumar vegna COVID-19.