Velferðarráð

Afgreiðsla máls færð í trúnaðarmálabók.

Erindi barst frá Erlingi Kristjánssyni forstöðumanni Fjölsmiðjunnar á Akureyri þar sem óskað er eftir viðræðum um að teknar verði upp launagreiðslur með öllum réttindum til þeirra sem þar stunda vinnu.

Erlingur Kristjánsson forstöðumaður Fjölsmiðjunnar á Akureyri sat fundinn undir þessum lið og kynnti hugmyndir sínar.

Laufey Þórðardóttir settur sviðsstjóri búsetusviðs kynnti formlegt erindi til skipulagsráðs Akureyrarbæjar, samantekt varðandi nauðsyn þess að gert sé ráð fyrir byggingum fyrir fatlað fólk með verulegar stuðningsþarfir í fyrirhuguðu deiliskipulagi Akureyrarbæjar.

Bæjarráð vísaði á fundi sínum þann 27. mars sl. eftirfarandi úr viðtalstíma bæjarfulltrúa til frístundaráðs og velferðarráðs:

Sesselia Úlfarsdóttir, Erla Ösp Ingvarsdóttir og Heiða Hermannsdóttir komu í viðtalstíma bæjarfulltrúa. Vildu minna á mikilvægi þess að halda áfram að reka úrræði á sumrin fyrir börn með félagslegar sérþarfir 10 ára og eldri, sambærilegt því sem Kapparnir hafa verið að gera fyrir 7 - 9 ára börn. Hafa miklar áhyggjur af því hvað gerist ef ekki verður haldið áfram með þessa þjónustu. Benda á að það mætti fylgjast betur með því hvernig þjónustu við börn með sérþarfir er sinnt í sumarstarfi hjá íþróttafélögunum. Vilja meina að þar sé pottur brotinn.

Lagt fram minnisblað ritað 6. maí 2019 um vangaveltur varðandi þekkingarmiðlun á sviði velferðarþjónustu bæjarins. Hluti af því væri kynning og hvatning eða viðurkenningar varðandi þjónustuna og nýbreytni, alúð og þróun á starfsemi sviðsins.

Halldór Sigurður Guðmundsson forstöðumaður ÖA sat fundinn undir þessum lið.

Lögð fram til kynningar ársskýrsla, fundargerð og ályktun frá aðalfundi SFV-samtaka fyrirtækja í velferðarþjónustu sem haldinn var 1. apríl 2019.

Halldór Sigurður Guðmundsson forstöðumaður ÖA sat fundinn undir þessum lið og kynnti einnig stöðu í viðræðum um endurnýjun rammasamnings við Sjúkratryggingar Íslands.