Velferðarráð

Anna Lilja Björnsdóttir verkefnisstjóri mætti á fund ráðsins og kynnti vinnu við gerð velferðarstefnu.

Halldór Guðmundsson framkvæmdastjóri Öldrunarheimila Akureyrarbæjar (ÖA) og Lúðvík Freyr Sæmundsson rekstrarstjóri kynntu athuganir sínar og tillögu að breytingum á samþykktum Gjafasjóðs ÖA í kjölfar athugasemda frá Tollstjóra vegna umsóknar um endurgreiðslu á virðisauka.

Fundaáætlun fyrir síðari hluta ársins 2016 var lögð fram.

Lögð var fram til kynningar ársskýrsla fjölskyldudeildar fyrir árið 2015.

Ársskýrsla í málaflokki fatlaðra í Eyjafirði fyrir árið 2015 var lögð fram til kynningar.

Halldór Guðmundsson framkvæmdastjóri Öldrunarheimila Akureyrarbæjar greindi frá þátttöku sinni á félagsfundi Samtaka fyrirtækja í velferðarþjónustu (SFV) sem haldinn var 3. júní sl. Til fundarins var boðað til að ræða stöðu og framvindu viðræðna við Sjúkratryggingar Íslands um þjónustusamning og daggjaldagreiðslur.

Áform eru um að ljúka viðræðum í lok júní og hafa fjármunir sem greiða á hjúkrunarheimilum verið tengdir við það að hægt verði að ljúka samningum. Félagsfundur SFV samþykkti að greiðslur færu fram hið fyrsta og án tillits til hvort samningur náist innan greindra tímamarka. Á fundi SFV var einnig fjallað um viðbrögð og samstöðu meðal rekstraraðila hjúkrunarheimila ef svo fari að samningar dragist enn frekar.

Halldór Guðmundsson framkvæmdastjóri Öldrunarheimila Akureyrarbæjar gerði grein fyrir samráðsfundi sem haldinn var 23. maí 2016 með fulltrúum Sjúkrahússins á Akureyri samkvæmt samningi um þjónustu öldrunarlækna. Fyrir liggur að núverandi samningur verði framlengdur.

Málinu var frestað á fundi ráðsins 6. apríl sl.

Halldór Guðmundsson framkvæmdastjóri Öldrunarheimila Akureyrarbæjar (ÖA) kynnti tilrauna- og rannsóknarverkefni um hjólaverkefni til aukinnar hreyfingar. Verkefnið er unnið í samvinnu við norskt fyrirtæki, Mototech, og var í umsjón Ástu Þorsteinsdóttur sjúkraþjálfara. Í lok verkefnis fór fram mat á framvindu og mögulegu framhaldi á notkun þessa búnaðar innan ÖA. Lögð var fram samantekt um verkefnið og greindi framkvæmdastjóri frá kostnaði við tækjakaup til að hægt sé að nýta þessa tækni til að styrkja hreyfigetu og lífsgæði íbúa.

Á opnum dögum/Gleðidögum ÖA sem voru 9.- 10. júní sl. var búnaðurinn kynntur sérstaklega og haldin kaffisala til fjáröflunar þessa verkefnis.

Framkvæmdastjóri Öldrunarheimila Akureyrar, Halldór Guðmundsson greindi frá undirbúningi og kynnti drög að rammasamkomulagi um breytingar á íbúðunum og hugmyndir að rekstrarfyrirkomulagi.

Dan Jens Brynjarsson fjármálastjóri og Jón Heiðar Daðason húsnæðisfulltrúi mættu á fund ráðsins og gerðu grein fyrir áhrifum nýlegra breytinga á reglur um sérstakar húsaleigubætur.

Eiríkur Björn Björgvinsson bæjarstjóri mætti á fundinn og ræddi ráðningu í starf framkvæmdastjóra búsetudeildar.

Velferðarráð tók fyrir umsóknir um starf framkvæmdastjóra búsetudeildar.

Sigríður Huld Jónsdóttir formaður velferðarráðs og Eiríkur Björn Björgvinsson bæjarstjóri kynntu niðurstöður úr viðtölum við umsækjendur.

Karólína Gunnarsdóttir þjónustustjóri fjölskyldudeildar sat fundinn undir þessum lið í fjarveru Laufeyjar Þórðardóttur verkefnastjóra búsetudeildar.

Lagt var fram til kynningar bréf dagsett 11. maí 2016 frá aðstandendum íbúa á sambýli á Akureyri.

Sigríður Huld Jónsdóttir kynnti leiðbeinandi reglur vegna orlofsdvala fatlaðra en félags- og húsnæðismálaráðherra skipaði starfshóp 8. febrúar sl. til að fara yfir orlofsmál fatlaðs fólks. Verkefni hópsins var m.a. að kanna möguleika á að setja sérstakar reglur um þá þjónustu sem þessi hópur fær í dag. Ráðherra samþykkti leiðbeiningar vegna sumardvalar fatlaðs fólks sem fylgdu með sem fylgiskjal á fundinum ásamt viðbrögðum ýmissa hlutaðeigendi.

Karólína Gunnarsdóttir þjónustustjóri fjölskyldudeildar kynnti stöðu einstaklingsmáls í fjarveru Laufeyjar Þórðardóttur verkefnastjóra búsetudeildar. Málið var áður á dagskrá velferðarráðs þann 2. febrúar 2016 og 28. apríl 2016.

Karólína Gunnarsdóttir þjónustustjóri fjölskyldudeildar lagði fram að nýju drög að samþykkt fyrir notendaráð í málaflokki fatlaðra.

Snjólaug Jóhannesdóttir félagsráðgjafi kynnti áfrýjun í fjárhagsaðstoð.

Lagður var fram til kynningar nýlegur úrskurður frá úrskurðarnefnd velferðarmála.

Dan Jens Brynjarsson fjármálastjóri og Jón Heiðar Daðason húsnæðisfulltrúi sátu fundinn undir þessum lið.