Stjórn Akureyrarstofu

Stjórn Akureyrarstofu samþykkir að ganga til samninga við Majó - Food and Culture um leigu á Laxdalshúsi.

Í húsinu verður vinnustofa Jónínu Bjargar Helgadóttur myndlistarkonu, auk þess sem gestalistamönnum verður boðin vinnuaðstaða á efri hæð. Jafnframt er hugmyndin að skipuleggja sögugöngur sem byrja og enda í húsinu og verða matartengdar. Ekki verður um eiginlegan veitingahúsarekstur að ræða heldur uppákomur sem tengjast mat og matarupplifun auk þess sem boðið verður upp á námskeið.

Stjórn Akureyrarstofu felur starfsmönnum að ganga til samninga við MAk miðað við fyrirliggjandi fjárhagsramma. Stjórn Akureyrarstofu óskar eftir að í samningaviðræðum verði skipulagsskrár aðilarfélaga MAk endurskoðaðar.

Stjórn Akureyrarstofu telur hugmynd um þátttöku í verkefni um menningarhöfuðborg Evrópu spennandi og felur starfsfólki að kanna fýsileika þess að hefja undirbúning að því.

Stjórn Akureyrarstofu samþykkir safnastefnuna fyrir sitt leyti og vísar henni til umfjöllunar í bæjarráði.

Stjórn Akureyrarsrofu leggur áherslu á við umhverfis- og mannvirkjasvið að tekið verði tillit til þeirra þátta, sem koma fram í framlögðu minnisblaði, við gerð fjárhagsáætlunar 2022.