Stjórn Akureyrarstofu

Lára Ágústa Ólafsdóttir forstöðumaður héraðsskjalasafnsins kynnti starfsemi safnsins.

Lára Ágústa Ólafsdóttir forstöðumaður héraðsskjalasafnsins fór yfir helstu atriði úr skýrslu um starfsemi Héraðsskjalasafnsins á Akureyri og starfsemi héraðsskjalasafna. Skýrslan var unnin af Þjóðskjalasafni Íslands.

Lögð fram tillaga undirbúningshóps að vinnuramma vegna mótunar nýrrar safnastefnu.

Umræða um næstu skref varðandi innleiðingu á íbúakorti.

Erindi dagsett 7. desember 2018 frá Þorsteini E. Arnórssyni safnstjóra Iðnaðarsafnsins og Jónu Sigurlaugu Friðriksdóttur safnverði þar sem óskað er eftir áframhaldandi fjárstuðningi við rekstur Iðnaðarsafnsins. Erindið var áður á dagskrá fundar stjórnar þann 24. janúar sl.

Lögð fram til kynningar fundargerð safnsráðs Listasafnsins frá 12. febrúar 2019.

Erindi dagsett 16. janúar 2019 frá Halldóru Arnardóttur, f.h. fjölskyldu Arnar Inga Gíslasonar, þar sem Akureyrarbæ eru boðin listaverk sem eftir hann liggja til láns. Hugmyndin er að gerður verði samningur milli Akureyrarbæjar og aðstandenda um að bærinn taki verkin til geymslu á sinn kostnað og að starfsfólki verði boðið að fá verk að láni til að hafa á skrifstofum og vinnurýmum.

Farið yfir niðurstöður úr könnun Gallup á viðhorfi íbúa til þjónustu sveitarfélaga.

Lögð fram kynningaráætlun samfélagssviðs í samræmi við aðgerðaráætlun upplýsingastefnu Akureyrarbæjar.

Lagt fram til kynningar rekstraryfirlit þeirra kostnaðarstöðva sem heyra undir stjórn Akureyrarstofu.

Lögð fram til kynningar samantekt á yfirvinnu í hlutfalli af dagvinnu á kostnaðarstöðum sem heyra undir stjórn Akureyrarstofu.

Velferðarráð óskar eftir því að stjórn Akureyrarstofu geri tillögur til velferðarráðs að aðgerðaáætlun vegna þeirra verkefna í velferðarstefnu Akureyrarbæjar er heyra undir þeirra svið.