Stjórn Akureyrarstofu

255. fundur 25. júní 2018 kl. 16:15 - 18:25 Rósenborg - fundarsalur 3. hæð
Nefndarmenn
  • Hilda Jana Gísladóttir formaður
  • Anna Hildur Guðmundsdóttir
  • Sigfús Arnar Karlsson
  • Eva Hrund Einarsdóttir
  • Finnur Sigurðsson
  • Karl Liljendal Hólmgeirsson áheyrnarfulltrúi
Starfsmenn
  • Kristinn Jakob Reimarsson sviðsstjóri samfélagssviðs
Fundargerð ritaði: Kristinn J. Reimarsson sviðsstjóri Samfélagssviðs
Dagskrá
Bæjarstjórn hefur á fundi sínum þann 12. júní 2018 kosið aðal- og varamenn til setu í stjórn Akureyrarstofu:
Hilda Jana Gísladóttir formaður
Sigfús Arnar Karlsson varaformaður
Anna Hildur Guðmundsdóttir
Eva Hrund Einarsdóttir
Finnur Sigurðsson
Karl Liljendal Hólmgeirsson, áheyrnarfulltrúi

Varamenn:
Valdís Anna Jónsdóttir
Sverre Andreas Jakobsson
Anna Fanney Stefánsdóttir
Kristján Blær Sigurðsson
Anna María Hjálmarsdóttir
Hannes Karlsson, varaáheyrnarfulltrúi

1.Trúnaðaryfirlýsing bæjarfulltrúa, nefndamanna og áheyrnarfulltrúa 2018 - 2022

Málsnúmer 2018060368Vakta málsnúmer

Nefndarmenn undirrituðu eyðublað um almennar og sérstakar þagnaðar- og trúnaðarskyldur.

2.Samþykkt stjórnar Akureyrarstofu

Málsnúmer 2018060509Vakta málsnúmer

Sviðsstjóri fór yfir helstu atriði í samþykkt fyrir stjórn Akureyrarstofu.

3.Stjórn Akureyrarstofu, fundaáætlun 2018

Málsnúmer 2018060437Vakta málsnúmer

Fastir fundartímar verða að jafnaði fyrsti og þriðji fimmtudagur í hverjum mánuði kl. 14:00.

4.Minjasafnið á Akureyri - endurnýjun þjónustusamnings

Málsnúmer 2016040100Vakta málsnúmer

Á fundi bæjarráðs þann 17. maí var erindi stjórnar Akureyrarstofu, þar sem óskað var eftir viðauka við framlög til safnsins á árinu 2018, vísað aftur til frekari umræðu hjá stjórninni.
Afgreiðslu frestað til næsta fundar.

5.Skipan í listasafnsráð

Málsnúmer 2018060489Vakta málsnúmer

Lögð fram tillaga safnstjóra Listasafns Akureyrar um skipan þriggja manna listasafnsráðs samkvæmt 6. grein samþykktar um Listasafn Akureyrar. Hlutverk listasafnsráðs er að vera ráðgefandi um fagleg málefni safnsins s.s. listræna starfsemi, sýningaráætlanir, safna- og sýningarstefnu.
Stjórn Akureyrarstofu samþykkir tillögu safnstjóra og því munu þau Aðalsteinn Þórsson myndlistarmaður, Hilda Jana Gísladóttir bæjarfulltrúi og Rósa Kristín Júlíusdóttir myndlistarkona skipa listasafnsráð næstu fjögur ár.

6.Hríseyjarhátíð - styrkbeiðni 2018

Málsnúmer 2018040153Vakta málsnúmer

Lögð fram beiðni Lindu Maríu Ásgeirsdóttur f.h. undirbúningsnefndar Hríseyjarhátíðar, þar sem óskað er eftir 300.000 kr. styrk vegna hátíðarinnar sem haldin verður 13.-14. júlí nk.
Stjórn Akureyrarstofu samþykkir veita styrk að upphæð kr. 300.000 vegna Hríseyjarhátíðar 2018

7.Könnun meðal farþega skemmtiferðaskipa - styrkbeiðni

Málsnúmer 2018060119Vakta málsnúmer

Erindi dagsett 30. maí 2018 frá Þórnýju Barðadóttur sérfræðingi hjá Rannsóknarmiðstöð ferðamála þar sem óskað er eftir styrk v/ könnunar á meðal farþega skemmtiferðaskipa við Akureyrarhöfn sumarið 2018. Óskað er eftir því að Akureyrarstofa fjármagni gagnasöfnun (laun spyrils) og er styrkbeiðni að upphæð 288.000 kr.
Stjórn Akureyrarstofu samþykkir að fresta afgreiðslu og óskar eftir frekari gögnum og felur starfsmönnum Akureyrarstofu að kalla eftir þeim.

8.Ungmennafélag Akureyrar - Akureyrarhlaup

Málsnúmer 2014060143Vakta málsnúmer

Erindi dagsett 21. maí 2018 frá Rannveigu Oddsdóttur formanni Akureyrarhlaupsnefndar UFA þar sem óskað er eftir styrk að upphæð 200.000 kr. vegna árlegs Akureyrarhlaups sem fram fer þann 5. júlí nk.
Stjórn Akureyrarstofu samþykkir að veita styrk að upphæð kr. 100.000 vegna markaðsmála fyrir hlaupið.

9.Samfélagssvið, fjárhagsáætlun 2019

Málsnúmer 2018060438Vakta málsnúmer

Lagt fram til kynningar fjárhagsáætlunarferli á árinu 2018 fyrir árið 2019.

Fundi slitið - kl. 18:25.