Stjórn Akureyrarstofu

Helga Íris Ingólfsdóttir verkefnastjóri brothættra byggða mætti á fundinn og kynnti stöðu verkefnisins.

Umræða um atvinnumál og verkaskiptingu milli Akureyrarstofu og Atvinnuþróunarfélags Eyjafjarðar. Lagðar fram upplýsingar um stöðu fjárhagsáætlunar í atvinnutengdum verkefnum. Jafnframt voru lagðir fram til kynningar samningar sem tengjast Frumkvöðlasetri sem komið verður á laggirnar nú á vordögum.

Farið yfir tillögur faghóps að viðurkenningum Húsverndarsjóðs fyrir endurbætur á eldri húsum og fyrir byggingarlist.

Hulda Sif Hermannsdóttir verkefnisstjóri menningarmála og viðburða sat fundinn undir þessum lið.

Farið yfir hugmyndir og tillögur um heiðursviðurkenningar Menningarsjóðs árið 2017. Hulda Sif Hermannsdóttir verkefnisstjóri menningarmála og viðburða sat fundinn undir þessum lið.

Lögð fram til kynningar drög að samningi við Minjasafnið á Akureyri vegna reksturs skáldahúsanna Nonnahúss, Sigurhæða og Davíðshúss. Til skoðunar er að Sigurhæðir verði gerð að rithöfunda- og fræðimannaíbúð.

Á fundi bæjarráðs þann 16. mars sl. var samþykkt tillaga að reglum um gerð og meðferð viðauka við fjárhagsáætlun. Bæjarráð óskar eftir að reglurnar verði kynntar í öllum ráðum og stjórnum bæjarins.

Lagt fram til kynningar skipurit fyrir sviðið ásamt starfslýsingum fyrir deildarstjóra sviðsins.