Skólanefnd

Heimsókn í Tónlistarskólann á Akureyri. Hjörleifur Örn Jónsson skólastjóri tók á móti hópnum, kynnti starfsemi og sýndi aðstöðuna sem skólinn hefur til afnota.

Málefni Tónlistarskólans. Hjörleifur Örn Jónsson skólastjóri fór yfir sögu skólans og hlutverk. Einnig viðraði hann sýn og væntingar um skólastarfið en skólinn fagnar 70 ára afmæli í upphafi næsta árs.

Rekstur fræðslumála 2014. Árni Konráð Bjarnason rekstrarstjóri fór yfir rekstur skólanna fyrir árið 2014.

Skólapúlsinn - ytra mat skóla, kynning. Fræðslustjóri fór yfir Skólapúlsinn sem er ytra matstæki fyrir leik- og grunnskóla.

Leikskóli í Naustahverfi. Formaður ræddi byggingu nýs skóla í Naustahverfi sem samþykkt hefur verið að byggja. Mikilvægt er að hefja undirbúning að byggingunni sem fyrst.