Skólanefnd

Karl Frímannsson starfsþróunarstjóri mætti á fundinn og gerði ásamt Hrafnhildi Sigurðardóttur leikskólafulltrúa grein fyrir vinnu við verkefnið að kanna álag og fjarveru í leikskólum Akureyrarbæjar, eins og hún stendur núna.

Fyrir fundinn voru lagðar fram til kynningar upplýsingar um stöðuna í innritun í leikskóla Akureyrarbæjar. Þar kemur fram að líklegt er að hægt verði að bjóða a.m.k. foreldrum tuttugu og tveggja 18 mánaða barna pláss. Þetta eru börn sem fædd eru í janúar-mars 2013.

Fyrir fundinn var lögð tillaga að breytingu á skilyrðum fyrir veitingu og endurnýjun leyfis til daggæslu barna. Tillagan felur það í sér að til að fá leyfi eða endurnýjun þarf að liggja fyrir leyfisbréf samkvæmt samþykkt um hundahald og kattahald í Akureyrarkaupstað.

Fyrir fundinn var lögð endurbætt tillaga að viðmiðunarreglum um auglýsingar í leik- og grunnskólum Akureyrarbæjar. Afgreiðslu tilögunnar var frestað á síðasta fundi skólanefndar og óskað eftir því að fræðslustjóri gerði á henni breytingar í samræmi við umræður á fundinum.

Erindi dags. 28. janúar 2014 frá Áhugahópi um framtíð Hríseyjar. Í erindinu eru niðurstöður málþings um framtíð Hríseyjar sem snerta skólahald í Hrísey reifaðar.