- Þjónusta
- Menntun
- Samgöngur og slökkvilið
- Umhverfismál
- Skipulag og byggingarmál
- Framkvæmdir
- Tímabókanir
- Velferð og fjölskyldan
- Stjórnkerfi
- Bæjarstjórn
- Stjórnsýsla
- Akureyri
- Útboð
- Fjármál og tölfræði
- Fyrir fjölmiðla
- Sveitarstjórnarkosningar 2022
- Mannlíf
- Þjónustugátt
- Fréttir
Skólanefnd
Dagskrá
Sædís Inga Ingimarsdóttir fulltrúi foreldra grunnskólabarna boðaði forföll.
1.Auglýsingar í leik- og grunnskólum - viðmiðunarreglur
Málsnúmer 2014010209Vakta málsnúmer
Fyrir fundinn var lögð tillaga að viðmiðunarreglum um auglýsingar í leik- og grunnskólum Akureyrarbæjar.
Sigurbjörg Rún Jónsdóttir verkefnastjóri á skóladeild mætti á fundinn undir þess lið og kynnti tillöguna.
Sigurbjörg Rún Jónsdóttir verkefnastjóri á skóladeild mætti á fundinn undir þess lið og kynnti tillöguna.
Skólanefnd frestar afgreiðslu til næsta fundar og óskar eftir því að fulltrúar í skólanefnd kynni og ræði tillöguna í baklandi sínu.
2.Álag og fjarvera í leikskólum Akureyrarbæjar
Málsnúmer 2013120098Vakta málsnúmer
Erindi dags. 2. janúar 2014 frá Svölu Ýrr Björnsdóttur og Höllu Steingrímsdóttur f.h. trúnaðarmanna leikskólakennara í leikskólum Akureyrarbæjar. Þar er óskað eftir því að veikindaafleysing í leikskólum verði aukin svo manna megi betur veikindi starfsmanna í leikskólum. Fram kemur að við núverandi ástand sé gengið á undirbúningstíma leikskólakennara sem sé brýnt að virða og annarra leiða verði leitað til að manna veikindi starfsmanna.
Skólanefnd samþykkir að vísa erindinu til starfshóps um álag og fjarveru í leikskólum sem settur var á fót á 20. fundi skólanefndar 2013.
3.PISA 2012
Málsnúmer 2013120093Vakta málsnúmer
Upplýsingar voru lagðar fyrir fundinn um stöðu mála varðandi frekari greiningu á niðurstöðum PISA prófanna 2012 í skólum Akureyrarbæjar. Fram kom að vinna er hafin hjá Námsmatsstofnun og má reikna með niðurstöðum í febrúar.
4.Samtaka - svæðisráð foreldra - beiðni um fjárstuðning við námskeiðshald
Málsnúmer 2014010103Vakta málsnúmer
Erindi dags. 15. nóvember 2013 frá Heimi Eggerz Jóhannssyni fyrir hönd Samtaka, svæðisráðs foreldra grunnskólabarna á Akureyri. Óskað er eftir því að gerður verði samningur milli Samtaka og skóladeildar Akureyrarbæjar um árlegan fjárstuðning vegna námskeiða og fyrirlestra annars vegar og ferðakostnaðar á fulltrúaráðsfundi og aðalfund Heimils og skóla hins vegar.
Skólanefnd tekur jákvætt í erindið og felur fræðslustjóra að ræða við stjórn Samtaka og gera drög að samstarfssamningi.
5.Ytra mat á grunnskólum á vegum skóladeildar Akureyrarbæjar
Málsnúmer 2014010208Vakta málsnúmer
Á fundinum voru ræddar hugmyndir að því hvernig staðið verður að kerfisbundnu ytra mati á starfi og árangri grunnskóla Akureyrarbæjar.
6.Ytra mat í leikskólum á vegum skóladeildar Akureyrarbæjar
Málsnúmer 2014010207Vakta málsnúmer
Á fundinum voru ræddar hugmyndir að þróunarverkefni á ytra mati á leikskólum sem ætlað er að unnið verði í samstarfi við Skóla- og frístundasvið Reykjavíkurborgar.
Fundi slitið - kl. 15:50.
