Skólanefnd

Fyrir fundinum lá tillaga um að ekki verði framvegis boðið upp á aðrar veitingar á fundum skólanefndar en kaffi, te og vatn.

Skólaþing sveitarfélaga verður haldið á Hótel Hilton Nordica í Reykjavík þann 4. nóvember nk. Dagskrá þingisins var lögð fram til kynningar og 2 kjörnum fulltrúum í skólanefnd auk formanns boðið að fara á ráðstefnuna, hafi þeir tök á því.

Skólaskýrsla 2013 er komin út. Markmið með skýrslunni er að birta tölulegar upplýsingar um skólamál og gera þær aðgengilegar. Í skýrslunni er bæði fjallað um leikskóla og grunnskóla og er þar að finna ýmsar magntölur yfir nemendur, skóla, starfsfólk og rekstrarkostnað. Í höfuðdráttum er gerð grein fyrir starfsemi hvors skólastigs um sig árið 2012 og að auki birtar upplýsingar aftur í tímann eins og kostur er. Tölulegar upplýsingar ná til málaflokkanna á landsvísu en einnig eru þeim gerð skil eftir landshlutum og eru að nokkru leyti flokkaðar eftir íbúafjölda sveitarfélaga.
Farið var yfir helstu atriði skýrslunnar, en kjörnir fulltrúar fengu afhent eintak á fundinum.

Langtímaáætlun skólanefndar til umræðu
Farið var yfir drög sem lágu fyrir eftir vinnu á síðustu fundum nefndarinnar.

Erindi dags. 8. október 2013 frá skólastjóra Grímseyjarskóla, þar sem óskað er eftir samþykki skólanefndar fyrir breytingu á skóladagatali skólans starfsárið 2013-2014. Fram kemur í erindinu að samþykki foreldra fyrir breytingunni liggi fyrir.