Skólanefnd

Foreldraráð Pálmholts fundaði með formanni skólanefndar og fræðslustjóra þann 14. janúar 2013 vegna málsins. Á fundinum gerðu aðilar grein fyrir sínum sjónarmiðum þar sem fram kom hvernig ráðgert var í upphafi að standa að sameiningu leikskólanna Flúða og Pálmholts. Við gerð fjárhagsáætlunar fyrir árið 2013 varð gert ráð fyrir auknu stjórnunarhlutfalli við skólann umfram það sem kjarasamningur gerir ráð fyrir og viðbótartímum vegna vinnu starfsfólks við sameiningarferlið. Að öðru leyti fékk skólinn sömu úthlutun og aðrir skólar innan bæjarins.

Á fjárhagsáætlun fyrir árið 2013 er ekki gert ráð fyrir breytingu á samningum við dagforeldra. Að svo stöddu sér skólanefnd ekki ástæðu til að endurskoða núgildandi samning við dagforeldra en óskar eftir frekari viðræðum við fulltrúa þeirra.

Málið lagt fram til kynningar og fræðslustjóra falið að svara erindinu.

Akureyrarkaupstaður uppfyllir lög nr. 87/2008 um menntun og ráðningu kennara og skólastjórnenda við leikskóla þar sem kveðið er á um að að lágmarki 2/3 hlutar stöðugilda við kennslu, umönnun og uppeldi barna skuli teljast til stöðugilda leikskólakennara. Samkvæmt tölum frá 1. október 2012 eru leikskólakennarar í öllum stöðum stjórnenda við leikskóla Akureyrarkaupstaðar, í sérkennslu er hlutfallið 95% og við aðra kennslu, uppeldi og umönnun er hlutfallið 79%.

Vegna fækkunar barna á leikskólanum Sunnubóli er óskað eftir heimild til að taka þangað inn allt að 65 börn auk heimildar til að taka inn börn frá 18 mánaða aldri. Ekki er gert ráð fyrir viðbótarfjárveitingu vegna þessa.

Erindið er samþykkt samhljóða.

Óskað er eftir heimild til stækkunar á húsnæði leikskólans Tröllaborga. Um er að ræða leigu á húsnæði á 2. hæð leikskólans sem nýtt verður fyrir skrifstofu skólastjóra, kaffistofu starfsmanna, viðtalsherbergi og geymslu. Við það fjölgar leikskólarýmum sem stendur undir þeim kostnaði sem af stækkuninni hlýst.

Erindið er samþykkt samhljóða.