Skólanefnd

Á fundinn mættu Bergþóra Þórhallsdóttir og Jón Baldvin Hannesson sem fulltrúar skólastjórnenda í grunnskólum bæjarins og kynntu hugmyndir hópsins um tölvu- og spjaldtölvuvæðingu skólanna á næstu árum, en þessar hugmyndir ganga einnig út á breytingar á starfsháttum í skólunum.

Starfshópur um endurskoðun á móttöku nemenda með íslensku sem annað mál í grunnskólum Akureyrar hefur skilað skýrslu og tillögum. Starfshópurinn var þannig skipaður:
Helga Hauksdóttir skólastjóri Oddeyrarskóla
Hrafnhildur Guðjónsdóttir ráðgjafi í móttökudeild innflytjenda Oddeyrarskóla
Jóhanna María Agnarsdóttir skólastjóri Brekkuskóla
Sigurbjörg Bjarnadóttir kennari Síðuskóla
Þorgerður Sigurðardóttir skólastjóri Lundarskóla
Elín Magnúsdóttir deildarstjóri Glerárskóla
Þorgerður J. Guðlaugsdóttir aðstoðarskólastjóri Giljaskóla
Aðalheiður Skúladóttir námsráðgjafi Naustaskóla
Helga Vilhjálmsdóttir sálfræðingur í skólateymi fjölskyldudeildar
Ingibjörg Auðunsdóttir sérfræðingur á Miðstöð skólaþróunar við Háskólann á Akureyri stýrði vinnunni.
Í tillögum starfshópsin er gert ráð fyrir því að núverandi fyrirkomulag með sérstakri móttökudeild í Oddeyrarskóla verði lagt af og móttaka nemenda með íslensku sem annað tungumál verði skipulögð í hverjum skóla fyrir sig. Lagt er til að ráðinn verði kennsluráðgjafi sem sé sérfræðingur á þessu sviði og sinni almennri kennsluráðgjöf til þeirra kennara sem sinna þessum nemendum. Í dag er gert ráð fyrir um 40 kennslustundum í verkefnið, eða u.þ.b. 9.000.000 króna. Starfshópurinn telur að það verði að auka við þessa þjónustu þannig að kostnaður vegna kennsluráðgjafans komi til viðbótar því fjármagni sem nú þegar er ætlað til að sinna þessari þjónustu/kennslu.

Fyrir fundinn er lögð nemendaspá leikskóla til ársins 2018. Forsendur eru þær að meðaltalsfjöldi barna í árgangi verði a.m.k. 270 að jafnaði næstu ár og er þá tekið mið af reynslu undanfarinna ára. Miðað við þessa spá er lagt til að leikskólinn Sunnuból verði rekinn til ársins 2017 eða þar til nýr leikskóli rís í Naustahverfi, en þá verði starfsemi Sunnubóls flutt þangað. Þessi tillaga kemur til þar sem fyrir liggur að leigusamningur vegna þess húsnæðis sem Sunnuból er í er gildur til ársins 2017.

Fyrir fundinn var lögð tillaga að samningi Akureyrarbæjar við Hollvinafélag Húna II. Skóladeild og Akureyrarstofa eru aðilar að samningnum fyrir hönd Akureyrarbæjar. Markmið verkefnisins sem samningurinn nær til er að auka áhuga og skilning nemenda í 6. bekkjum grunnskólanna á Akureyri á lífríki hafsins, sjómennsku og á hollustu sjávarfangs. Jafnframt er markmiðið að festa í sessi þátttöku Hollvina Húna II í menningarlífinu á Akureyri þannig að Akureyrarbær geti gert ráð fyrir henni til lengri tíma og að Hollvinir Húna geti gert áætlanir fram í tímann með hliðsjón af því.

Farið var yfir ræstingarmál leikskólanna og lögð fram tillaga um að bjóða ræstingar út í 8 leikskólum og Hlíðarskóla til þriggja ára, en tveir leikskólar hafa óskað eftir því að gera tilraun með blönduð störf, sambærilegt því sem viðhaft er í grunnskólunum.

Önnur umræða um breytingar á gjaldskrá Tónlistarskólans á Akureyri, en tillögur þar um voru kynntar á síðasta fundi nefndarinnar.

Erindi dags. 14. maí 2012 frá Sigurbjörgu Rún Jónsdóttur verkefnastjóra á skóladeild og Sólveigu Fríðu Kjærnested ráðgjafa á fjölskyldudeild, þar sem lagt er til að breyting verði gerð á viðtalsblaði félagsráðgjafa fjölskyldudeildar vegna umsóknar um daggæslu í heimahúsi. Umrædd breyting er að umsækjandi heimili að afla megi upplýsinga um hann hjá barnavernd.

Umsóknarfrestur um stöðu leikskólastjóra við sameinaðan leikskóla Pálmholts og Flúða er liðinn og liggur fyrir ein umsókn frá Ernu Rós Ingvarsdóttur.

Fyrir fundinn var lögð til kynningar áætlun um innleiðingu aðlanámskrár grunnskóla, en skóladeild ásamt grunnskólunum hafa fengið styrk úr Sprotasjóði til verkefnisins að upphæð kr. 3.000.000.

Farið var yfir stöðu málsins, en Samtaka hefur tilnefnt Guðjón Hrein Hauksson sem sinn fulltrúa í valnefndina og Jenný Gunnbjörnsdóttir verður fulltrúi Miðstöðvar skólaþróunar HA.