Skólanefnd

Fyrir fundinn var lögð tillaga að fundaáætlun skólanefndar fyrir árið 2011.

Fyrir fundinn var lagður til kynningar samanburður á gjaldskrá leikskóla á Akureyri við gjaldskrár nágrannasveitarfélaga og stærri sveitarfélaganna í landinu.

Erindi dags. 6. desember 2010 frá skólaráði Lundarskóla til lögreglustjórans á Akureyri, þar sem skólaráðið lýsir vonbrigðum sínum með þá ákvörðun lögreglunnar á Akureyri að hætta að sinna forvarnastarfi sem sinnt hefur verið í mörg ár og snúið að umferðarfræðslu, vímuvörnum og afleiðingum afbrota og ofbeldis.

Fyrir fundinn var lögð ályktun fundar Félags leikskólakennara og Félags stjórnenda leikskóla í 6. svæðadeild, sem haldinn var 30. nóvember 2010. Þar kemur meðal annars fram að leikskólakennarar hvetja til þess að faglegar og rekstrarlegar forsendur liggi fyrir þegar ákvörðun verður tekin að lokinni úttekt á stjórnkerfi skóla, samfélaginu til heilla.
Þá var einnig farið yfir störf stýrihópsins frá síðasta fundi skólanefndar.

Erindi dags. 16. nóvember 2010 frá Sambandi íslenskra sveitarfélaga þar sem vakin er athygli á tveimur ritum sem verkefnisstjóri í skólamálum, Björk Ólafsdóttir, hefur unnið og aðgengileg eru á upplýsingavef Sambandsins. Rit þessi eru Yfirlit yfir skyldur og ábyrgð skólanefnda og Leiðbeiningar og viðmið fyrir sveitarfélög í tengslum við innra mat grunnskóla.

Út er komin skólaskýrsla 2010 sem Samband íslenskra sveitarfélaga hefur tekið saman. Þar er að finna ýmsar tölulegar upplýsingar um leik-, grunn- og tónlistarskóla í sveitarfélögum. Skólaskýrslan var lögð fram til kynningar.