Skólanefnd

Deborah Júlía Robinson mætti á fundinn og kynnti niðurstöður meistararitgerðar sinnar "I was treated like a person and not a lost cause" - young people´s experience of an alternative to school exclusion.

Skólanefnd óskaði eftir því við Bjarka Jóhannesson skipulagsstjóra Akureyrarbæjar að koma á fundinn og fara yfir hugmyndir um deiliskipulag á Melgerðisreit í framhaldi af umfjöllun á fundi skólanefndar þann 19. september sl. (2. liður).

Bjarki mætti á fundinn, kynnti málið og fór einnig stuttlega yfir aðalskipulag fyrir Akureyrarbæ sem er í vinnslu.

Starfsemi Hlíðarskóla er mikilvægur þáttur í þjónustu við grunnskólabörn í Eyjafirði. Ljóst er að þörf fyrir þá sértæku þjónustu sem þar er veitt er ekki að minnka, fremur að aukast. Því er mikilvægt að bregðast við og gera endurbætur á því húsnæði sem er til staðar svo hægt sé að nýta það til fulls. Er í þessu sambandi horft til austurenda stærsta hússins sem nú er nýtt í annað fyrir Akureyarbæ. Mikilvægt er fyrir skólastarfið í Hlíðarskóla að fá þetta húsnæði til notkunar. Vísað er í því sambandi til greinargerðar Bryndísar Valgarðsdóttur skólastjóra Hlíðarskóla dagsett 2. nóvember 2016.

Gert er ráð fyrir 10 milljónum króna á árinu 2017 og 30 milljónum á árinu 2018 til framkvæmdanna.

Árni Konráð Bjarnason rekstrarstjóri á skóladeild fór yfir stöðu á rekstri fræðslumála fyrir tímabilið janúar-september 2016.

Árni Konráð Bjarnason rekstrarstjóri á skóladeild fór yfir þriggja ára áætlun fræðslumála.