Skipulagsráð

380. fundur 20. apríl 2022 kl. 08:15 - 11:20 Fundarsalur á 1. hæð í Ráðhúsi
Nefndarmenn
  • Þórhallur Jónsson formaður
  • Sindri Kristjánsson
  • Guðmundur Baldvin Guðmundsson
  • Ólöf Inga Andrésdóttir
  • Arnfríður Kjartansdóttir
  • Helgi Sveinbjörn Jóhannsson áheyrnarfulltrúi
Starfsmenn
  • Pétur Ingi Haraldsson forstöðumaður skipulagsmála
  • Steinmar Heiðar Rögnvaldsson byggingarfulltrúi
  • María Markúsdóttir fundarritari
Fundargerð ritaði: Pétur Ingi Haraldsson forstöðumaður skipulagsmála
Dagskrá

1.Stofnstígur Lónsá - Glerártorg - tillaga

Málsnúmer 2022042168Vakta málsnúmer

Ólafur Kjartansson kynnti tillögu að reiðhjólastofnstíg frá Lónsá að Glerártorgi sem hann vann ásamt Arnfríði Kjartansdóttur og Þorbjörgu Ólafsdóttur.

Tillagan gerir ráð fyrir 2,7 km löngum stofnstíg fyrir reiðhjól frá sveitarfélagamörkum Akureyrarbæjar og Hörgársveitar að fyrirhugaðri brú yfir Glerá til móts við Glerártorg.

Ólafur sat fundinn í fjarfundabúnaði undir þessum dagskrárlið.
Skipulagsráð þakkar fyrir kynninguna.

Arnfríður Kjartansdóttir V-lista óskar bókað:

Stofnleiðir gangandi og hjólandi vegfarenda þurfa ekki alltaf að vera samhliða. Stígaskipulag hlýtur að þurfa að gera ráð fyrir samgönguhjólreiðum þar sem hjólafólk vill komast fljótt á milli staða.

Öryggi hjólandi vegfarenda er tryggt með því að hafa hjólaleið ekki meðfram Skarðshlíð vegna bratta og margra þverana. Það yrði bein og örugg leið meðfram Hörgárbraut.

2.Uppbyggingaráform við Hólabraut, Gránufélagsgötu og Geislagötu

Málsnúmer 2022042343Vakta málsnúmer

Björn Ómar Sigurðsson hjá BB Byggingum ehf. og Haraldur S. Árnason hjá H.S.Á. teiknistofu kynntu hugmyndir að uppbyggingu á svæði sem nær til Geislagötu 7, Gránufélagsgötu 4 og Hólabrautar 12 auk bílastæðis austan Brekkugötu 4-12.

Björn Ómar og Haraldur sátu fundinn undir þessum dagskrárlið.
Skipulagsráð þakkar fyrir kynninguna.

Ráðið tekur jákvætt í hugmyndir um uppbyggingu svæðisins og felur skipulagsfulltrúa að vinna áfram að málinu.

3.Akureyrarflugvöllur - breyting á deiliskipulagi vegna aðflugsljósa

Málsnúmer 2021120528Vakta málsnúmer

Auglýsingu deiliskipulagstillögu lauk þann 8. apríl sl. Umsagnir um tillöguna bárust frá Hafrannsóknastofnun, Vegagerðinni, Umhverfisstofnun og Minjastofnun Íslands.

Ein athugasemd barst.
Skipulagsráð leggur til við bæjarstjórn að hún samþykki fram lagða tillögu að breytingu á deiliskipulagi Höepfnersbryggju skv. 3. mgr. 41. gr. skipulagslaga nr. 123/2010.

4.Viðbygging við ráðhús - breyting á deiliskipulagi

Málsnúmer 2022011064Vakta málsnúmer

Lögð fram drög að breytingu á deiliskipulagi miðbæjar, unnin af Landslagi ehf. Breytingin nær til lóðar ráðhúss Akureyrar nr. 9 við Geislagötu.
Skipulagsráð felur skipulagsfulltrúa að leita umsagnar Norðurorku og umhverfis- og mannvirkjasviðs um tillöguna.

Ráðið telur mikilvægt að bílakjallari verði hluti af uppbyggingu á lóðinni.

5.Langahlíð 28 - ósk um breytingu á deiliskipulagi

Málsnúmer 2022020226Vakta málsnúmer

Grenndarkynningu á tillögu að breytingu á deiliskipulagi Hlíðahverfis suður lauk þann 4. apríl sl. Ein athugasemd barst og er hún lögð fram ásamt viðbrögðum umsækjanda við efni athugasemdar.

Jafnframt er lögð fram uppfærð tillaga umsækjanda að deiliskipulagsbreytingu þar sem nýtingarhlutfall lóðar er hækkað í 0,347 og gert ráð fyrir að B-rými utanhúss og skyggni verði ekki talin sem hluti af nýtingarhlutfalli.

Meðfylgjandi er uppdráttur.
Skipulagsráð frestar afgreiðslu. Er skipulagsfulltrúa falið að vinna drög að svörum við athugasemdum og leggja fyrir næsta fund ráðsins.

6.Helgamagrastræti 9 - fyrirspurn varðandi breytingar

Málsnúmer 2022041863Vakta málsnúmer

Erindi dagsett 1. apríl 2022 þar sem Rebekka Kristín Garðarsdóttir leggur inn fyrirspurn varðandi breytingar á húsi nr. 9 við Helgamagrastræti. Fyrirhugað er að útbúa bílastæði á lóð, breyta gluggum hússins og byggja við húsið. Meðfylgjandi er greinargerð.
Afgreiðslu frestað þar til umsögn Minjasafnsins á Akureyri liggur fyrir.

7.Aðalstræti 8 - fyrirspurn vegna breytinga

Málsnúmer 2022042231Vakta málsnúmer

Erindi dagsett 11. apríl 2022 þar sem Sölvi Lárusson leggur inn fyrirspurn varðandi breytingar á húsi nr. 8 við Aðalstræti. Þar sem viðhald er komið á húsið vegna leka er fyrirhugað að byggja sólskála og svalir þar ofan á og breyta glugga á suðurstafni í hurð. Meðfylgjandi er skýringarmynd og samþykki meðeigenda.
Skipulagsráð frestar afgreiðslu þar til umsögn Minjastofnunar Íslands liggur fyrir til samræmis við ákvæði gildandi deiliskipulags.

8.Geislagata 10 - fyrirspurn varðandi breytta notkun

Málsnúmer 2022042324Vakta málsnúmer

Erindi dagsett 13. apríl 2022 þar sem Bjarni Rúnar Sigurðsson óskar eftir breytingu á skráningu íbúðar nr. 203 í Geislagötu 10 úr stúdíóíbúð í íbúð.

Meðfylgjandi er fasteignayfirlit.
Skipulagsráð samþykkir erindið og vísar því til afgreiðslu byggingarfulltrúa.

9.Hamarstígur 26 - fyrirspurn til skipulagssviðs vegna bílgeymslu

Málsnúmer 2021010486Vakta málsnúmer

Grenndarkynningu áforma um byggingu bílskúrs á lóð nr. 26 við Hamarstíg lauk þann 7. apríl sl. Ein athugasemd barst og er hún lögð fram ásamt tillögu skipulagsfulltrúa að svörum við efni athugasemdar.
Skipulagsráð samþykkir fyrirliggjandi umsókn um byggingaráform og tillögu skipulagsfulltrúa að svörum við þeim athugasemdum sem borist hafa.

Málinu er vísað til afgreiðslu byggingarfulltrúa.

10.Oddeyrarskóli - tillaga að breytingum á skólalóð

Málsnúmer 2021060969Vakta málsnúmer

Á fundi skipulagsráðs þann 23. júní 2021 var samþykkt að grenndarkynna tillögu að breytingum á lóð Oddeyrarskóla. Engar athugasemdir bárust við kynninguna.

Nú liggur fyrir endurskoðuð tillaga þar sem gerðar hafa verið nokkrar minniháttar breytingar á útfærslu gatna, gangstíga o.fl.
Skipulagsráð samþykkir að grenndarkynna endurskoðaða tillögu m.t.t. breytinga á staðsetningu gönguþverunar skv. 44. gr. skipulagslaga nr. 123/2010. Grenndarkynnt skal fyrir lóðarhöfum Víðivalla nr. 8-14.

Ákvörðunin er fullnaðarafgreiðsla með vísan til 42. gr. sveitarstjórnarlaga nr. 138/2011 og 37. gr. samþykktar um stjórn og fundarsköp Akureyrarbæjar nr. 1674/2021.

11.Hafnarstræti - langtimaleyfi söluvagna 2022

Málsnúmer 2022042261Vakta málsnúmer

Umsóknarfrestur um langtímaleigustæði fyrir söluvagn í Hafnarstræti rann út þann 14. apríl sl. Tvær umsóknir bárust.
Skipulagsráð samþykkir að veita Raffaele Marino stöðuleyfi til 6 mánaða í Hafnarstræti fyrir matarvagn Lasagna and more.

Ákvörðunin er fullnaðarafgreiðsla með vísan til 42. gr. sveitarstjórnarlaga nr. 138/2011 og 37. gr. samþykktar um stjórn og fundarsköp Akureyrarbæjar nr. 1674/2021.

12.Blöndulína 3 - beiðni um umsögn vegna umhverfismats

Málsnúmer 2020060983Vakta málsnúmer

Á fundi skipulagsráðs þann 6. apríl sl. var skipulagsfulltrúa falið að vinna umsögn um umhverfismatsskýrslu fyrir Blöndulínu 3.

Fyrirhuguð framkvæmd felur í sér byggingu á um 100 km langri 220 kV raflínu milli Blöndustöðvar og tengivirkis á Rangárvöllum á Akureyri.
Afgreiðslu frestað til næsta fundar.

13.Hámarkshraði gatna í miðbæ Akureyrar

Málsnúmer 2022042336Vakta málsnúmer

Samkvæmt gildandi deiliskipulagi miðbæjar Akureyrar er miðað við að hámarkshraði í Gránufélagsgötu og Strandgötu vestan Glerárgötu auk Skipagötu verði 30 km/klst en hann er í dag 50 km/klst. Þá er einnig gert ráð fyrir að gata milli Túngötu og Skipagötu sé skilgreind sem vistgata með 15 km hámarkshraða en þessi kafli er í dag með 30 km hámarkshraða.
Skipulagsráð samþykkir að hámarkshraða verði breytt til samræmis við gildandi deiliskipulag.

14.Afgreiðslur byggingarfulltrúa 2022

Málsnúmer 2022010178Vakta málsnúmer

Lögð fram til kynningar fundargerð 857. fundar, dagsett 24. mars 2022, með fullnaðarafgreiðslum erinda. Fundargerðin er í 4 liðum og er að finna á heimasíðu Akureyrarbæjar.

15.Afgreiðslur byggingarfulltrúa 2022

Málsnúmer 2022010178Vakta málsnúmer

Lögð fram til kynningar fundargerð 858. fundar, dagsett 31. mars 2022, með fullnaðarafgreiðslum erinda. Fundargerðin er í 5 liðum og er að finna á heimasíðu Akureyrarbæjar.

Fundi slitið - kl. 11:20.