Skipulagsráð

Lagt fram minnisblað dagsett 7. apríl 2021 varðandi möguleika á nýtingu lóðarinnar Skarðshlíð 20 fyrir norðurstöð heilsugæslu.

Lögð fram fyrstu drög að deiliskipulagi Tryggvabrautar og atvinnusvæðis norðan hennar.

Lögð fram umsókn Ómars Ívarssonar dagsett 3. júní 2021, f.h. Fallorku, um leyfi til að setja upp tvær 6 kW vindmyllur í Grímsey sem tilraunaverkefni í eitt ár til prufu. Möstrin eru 9 m á hæð og spaðarnir 5,6 m í þvermál og er hæsti punktur frá jörðu því tæplega 12 m. Verða vindmyllurnar reistar á svæði sem í aðalskipulagi er skilgreint sem athafnasvæði þar sem fyrir eru fjarskiptamöstur og tæknibúnaður í eigu Mílu og Neyðarlínunnar. Ef vel gengur er gert ráð fyrir að setja upp samtals allt að 6 vindmyllur en ef ákveðið verður að fara ekki lengra með verkefnið tekur einn dag að taka þær niður án sjánlegs rasks á landi.

Lögð fram að lokinni grendarkynningu tillaga að breytingu á deiliskipulagi sem nær til lóðarinnar Aðalstrætis 12b. Var tillagan kynnt með bréfi dagsettu 29. apríl 2021 með athugasemdafresti til 1. júní. Bárust þrjú athugasemdabréf á kynningartíma. Er jafnframt lögð fram tillaga að svari við efni innkominna athugasemda.

Erindi dagsett 26. maí 2021 þar sem Ingólfur Guðmundsson fyrir hönd Kistu Byggingarfélags ehf. leggur inn fyrirspurn varðandi lóðir 8,10 og 12 við Matthíasarhaga. Óskað er eftir að fá að breyta lóðunum í lóð fyrir fimm íbúða raðhús með húsnúmerunum 8,10,12,14 og 16. Meðfylgjandi er greinargerð og tillöguuppdráttur.

Erindi dagsett 27. maí 2021 þar sem Borghildur Guðmundsdóttir leggur inn fyrirspurn varðandi byggingu bílgeymslu við hús nr. 3 og 4 við Klettaborg. Bílgeymslan yrði tvöföld þar sem annað bilið tilheyrði húsi nr. 3 og hitt húsi nr. 4. Fyrirspurnin er í samráði við eigendur Klettaborgar 4.

Erindi dagsett 27. maí 2021 þar sem Hrafn Svavarsson leggur inn fyrirspurn varðandi byggingu bílgeymslu og viðbyggingu við hús nr. 15 við Suðurbyggð. Meðfylgjandi eru skýringarmyndir. Fyrir liggur samþykki eigenda Suðurbyggðar 13.

Lagt fram erindi Haraldar Árnasonar dagsett 3. júní 2021, f.h. Hrafnseyrar ehf., þar sem óskað er eftir að fá veitta lóð við Gránufélagsgötu til byggingar á bílastæðahúsi á þremur hæðum. Er um að ræða svæði suðvestan Ráðhúss, þar sem nú eru almenn bílastæði. Er gert ráð fyrir að á neðstu hæð yrðu áfram almenn bílastæði en á 2. og 3. hæð yrðu bílastæði sem tengjast fyrirhuguðu húsi á lóð Gránufélagsgötu 4. Meðfylgjandi eru myndir sem sýna hugmynd að byggingu.

Erindi dagsett 3. júní 2021 þar sem Haraldur Sigmar Árnason fyrir hönd Hálanda ehf. leggur inn fyrirspurn vegna byggingar 24 eininga gististaðar á lóð nr. 3 við Heimaland. Í gildandi deiliskipulagi kemur fram að í hverju húsi skuli vera 8-12 herbergi en skipulagsráð samþykkti á fundi 31. mars að heimila 16 gistirými.

Lögð fram tillaga að breytingu á reglum um úthlutun lóða sem samþykktar voru í bæjarstjórn 23. janúar 2018. Í breytingunni felst að ekki verður lengur krafa um að lokið verði við að steypa sökkla áður en lóðarsamningur er gefinn út. Í staðinn verður krafa um gerð sökkla áður en byggingarréttur er framseldur til þriðja aðila.

Byggingarfulltrúi óskar umsagnar skipulagsráðs um erindi dagsett 31. maí 2021 frá Rögnvaldi Harðarsyni þar sem hann fyrir hönd Eyjólfs Árnasonar sækir um leyfi til að byggja viðbyggingu norðan við húsið Álfabyggð 16. Meðfylgjandi eru teikningar eftir Rögnvald Harðarson.

Erindi dagsett 25. maí 2021 þar sem Sverrir Gestsson sækir um framkvæmdafrest á lóð nr. 13 við Nonnahaga.

Erindi Samtaka ferðaþjónustunnar dagsett 3. júní 2021 þar sem óskað er eftir að hluti svæðis austan við Hof, sunnan Átaks, verði skilgreint tímabundið sem bílastæði fyrir hópbifreiðar. Yrði svæðið eingöngu notað sem stæði fyrir hópbifreiðar yfir nótt eða á meðan beðið er eftir farþegum en ekki sem langtíma geymslusvæði fyrir farartæki.

Erindi Samtaka ferðaþjónustunnar dagsett. 3. júní 2021 þar sem óskað er eftir að Akureyrarbær heimili almenningsvögnum í landsbyggðaakstri að taka upp farþega inni á bílastæði austan við Hof í staðinn fyrir á núverandi svæði í Strandgötu.

Sviðsstjóri skipulagssviðs fór yfir stöðu mála sem eru á starfsáætlun skipulagssviðs 2021.

Lögð fram til kynningar fundargerð 815. fundar, dagsett 27. maí 2021, með fullnaðarafgreiðslum erinda. Fundargerðin er í 9 liðum og er að finna á heimasíðu Akureyrarbæjar.