Skipulagsráð

Rætt að nýju um umferðaröryggismál á Hörgárbraut á svæði milli hringtorgs við Undirhlíð og Glerár. Á fundinn mættu Margrét Silja Þorkelsdóttir frá Vegagerðinni og Jónas Valdimarsson verkefnastjóri hönnunar á umhverfis- og mannvirkjasviði.

Jónas Valdimarsson verkefnastjóri hönnunar á umhverfis- og mannvirkjasviði kynnti tillögur að hönnun á götunni Krókeyri.

Jónas Valdimarsson verkefnastjóri hönnunar á umhverfis- og mannvirkjasviði kynnti tillögur að útfærslu á gangstíg meðfram Sjafnargötu, sem felur í sér breiðari stíg en gildandi deiliskipulag gerir ráð fyrir. Felur tillagan einnig í sér að lóð bensínstöðvar minnkar og hefur sú breyting verið samþykkt af lóðarhafa.

Jónas Valdimarsson verkefnastjóri hönnunar á umhverfis- og mannvirkjasviði kynnti tillögur að breyttri hönnun Skarðshlíðar ásamt aðliggjandi stígum.

Lagt fram til umræðu minnisblað bifreiðastæðasjóðs Akureyrar um gjaldtöku á bílastæðum í miðbæ Akureyrar.

Erindi dagsett 12. febrúar 2020 þar sem Haraldur Sigmar Árnason fyrir hönd Fasteigna ehf., kt. 581088-1409, sækir um leyfi til að byggja 4. hæðina á hús nr. 16 við Kaupvangsstræti. Meðfylgjandi eru myndir sem sýna útlit hússins fyrir og eftir breytingu.

Erindi dagsett 12. febrúar 2020 þar sem Haraldur Sigmar Árnason fyrir hönd Bergfestu ehf., kt.610515-0370, sækir um breytingu á deiliskipulagi lóða 8, 10 og 12 við Matthíasarhaga. Óskað er eftir að byggja 2ja hæða fjölbýli í stað einbýlishúsa. Meðfylgjandi er teikning eftir Harald Sigmar Árnason.

Erindi dagsett 12. febrúar 2020 þar sem Sævar Helgason óskar eftir heimild til að breyta Norðurvegi 6-8 í Hrísey úr atvinnuhúsnæði í íbúðarhúsnæði. Engar breytingar eru fyrirhugaðar á húsnæðinu aðrar en almennt viðhald og gildandi teikningar því þar með gildar.

Erindi dagsett 20. febrúar 2020 þar sem Brynjar Gauti Schiöth óskar eftir leyfi til að byggja u.þ.b. 80 m² bílskúr við einbýlishús sitt Sæborg á Óseyri. Sjá hugmynd af staðsetningu og stærð í viðhengi.

Lagt fram minnisblað sviðsstjóra skipulagssviðs dagsett 20. febrúar 2020 þar sem lögð er fram tillaga að breytingu á gr. 2.4 í gjaldskrá Akureyrarbæjar fyrir gjöld skv. lögum um mannvirki og skipulagslögum og önnur afgreiðslu- og þjónustugjöld. Í breytingunni felst að gert er ráð fyrir að framkvæmdaleyfisgjald umfangsmikilla framkvæmda verði samkvæmt samningi milli leyfisveitanda og framkvæmdaraðila en ekki miðað við fast gjald eins og nú er í gildandi gjaldskrá.

Tekið fyrir að nýju erindi dagsett 4. október 2019 þar sem lögð er fram tillaga lóðarskrárritara Akureyrarbæjar um að gatan þar sem gróðrarstöðin Sólskógar stendur við fái götuheiti.

Skipulagsráð fól sviðsstjóra skipulagssviðs þann 30. október sl. að leita eftir tillögum að götuheiti frá nemendum Naustaskóla. Tillögur bárust 4. desember og voru sendar nafnanefnd til úrvinnslu.

Nafnanefndin leggur til að valið verði á milli Skógargötu og Músagötu.

Lagt fram erindi Steinmars H. Rögnvaldssonar dagsett 20. febrúar 2020, f.h. lóðarhafa Heiðartúns 5, þar sem óskað er eftir að heimilt verði að byggja 250 m² hús ásamt u.þ.b. 66 m² kjallara. Samkvæmt skilmálum deiliskipulags er heimilt að byggja 280 m² á lóðinni.

Lögð fram til kynningar fundargerð 757. fundar, dagsett 6. febrúar 2020, með fullnaðarafgreiðslum erinda. Fundargerðin er í 5 liðum og er að finna á heimasíðu Akureyrarbæjar.

Lögð fram til kynningar fundargerð 758. fundar, dagsett 13. febrúar 2020, með fullnaðarafgreiðslum erinda. Fundargerðin er í 4 liðum og er að finna á heimasíðu Akureyrarbæjar.