- Þjónusta
- Menntun
- Samgöngur og slökkvilið
- Umhverfismál
- Skipulag og byggingarmál
- Framkvæmdir
- Tímabókanir
- Velferð og fjölskyldan
- Stjórnkerfi
- Bæjarstjórn
- Stjórnsýsla
- Akureyri
- Útboð
- Fjármál og tölfræði
- Fyrir fjölmiðla
- Sveitarstjórnarkosningar 2022
- Mannlíf
- Þjónustugátt
- Fréttir
- Persónuverndarstefna Akureyrarbæjar
Skipulagsráð
Dagskrá
Þorvaldur Helgi Sigurpálsson áheyrnarfulltrúi M-lista mætti í forföllum Helga Sveinbjörns Jóhannssonar.
1.Fundaáætlun skipulagsráðs 2019
Málsnúmer 2018120052Vakta málsnúmer
Lögð fram tillaga að fundaáætlun skipulagssráðs fyrir árið 2019.
Skipulagsráð samþykkir fyrirliggjandi tillögu að fundaáætlun fyrir árið 2019.
2.Hólasandslína 3 - beiðni um umsögn um umhverfismat
Málsnúmer 2017080126Vakta málsnúmer
Lagt fram að nýju bréf Skipulagsstofnunar dagsett 5. nóvember 2018 þar sem óskað er eftir umsögn Akureyrarkaupstaðar um frummatsskýrslu um mat á umhverfisáhrifum Hólasandslínu 3.
Lögð fram tillaga að umsögn.
Lögð fram tillaga að umsögn.
Skipulagsráð samþykkir fyrirliggjandi umsögn um frummatsskýrslu þar sem ítrekað er að aðalvalkostur norðan Kjarnaskógar verði fyrir valinu og felur sviðsstjóra skipulagssviðs að senda hana til Skipulagsstofnunar.
3.Gisting á íbúðarsvæðum - rammaskipulag
Málsnúmer 2018020130Vakta málsnúmer
Lagt fram minnisblað sviðsstjóra skipulagssviðs dagsett 6. desember 2018 þar sem fram koma tillögur að breytingu á aðalskipulagi Akureyrar 2018-2030 varðandi rekstrarleyfisskylda gististarfsemi á íbúðarsvæðum.
Skipulagsráð leggur til við bæjarstjórn að samþykkt verði breyting á aðalskipulagi Akureyrar 2018-2030 sem felur í sér að heimilt verði að endurnýja leyfi gististaða á íbúðarsvæðum sem hafa verið með gilt rekstrarleyfi til þessa. Miðast slík endurnýjun við að umfang starfseminnar aukist ekki frá því sem verið hefur. Að mati skipulagsráðs er þessi breyting óveruleg skv. 2. mgr. 36. gr. skipulagslaga þar sem eingöngu er verið að heimila áfram núverandi landnotkun og hefur hún því ekki mikil áhrif á einstaka aðila eða stór svæði.
Jafnframt felur skipulagsráð sviðsstjóra skipulagssviðs að vinna áfram að frekari endurskoðun rekstrarleyfisskyldrar gistingar á íbúðarsvæðum á Akureyri.
Jafnframt felur skipulagsráð sviðsstjóra skipulagssviðs að vinna áfram að frekari endurskoðun rekstrarleyfisskyldrar gistingar á íbúðarsvæðum á Akureyri.
4.Geislagata 7 - umsókn um breytingu á deiliskipulagi
Málsnúmer 2018120072Vakta málsnúmer
Erindi dagsett 5. desember 2018 þar sem Haraldur Sigmar Árnason fyrir hönd Hótel Valhallar, kt. 560169-5189, sækir um breytingu á deiliskipulagi á lóð nr. 7 við Geislagötu. Fyrirhuguð er hækkun húss og stækkun byggingarreits. Meðfylgjandi eru myndir sem sýna tillögu að útliti á húsi eftir stækkun.
Skipulagsráð er jákvætt fyrir breytingum á skipulagi lóðarinnar en felur sviðsstjóra skipulagssviðs að ræða við umsækjanda um frekari útfærslu.
5.Skipulagssvið - skýrslur
Málsnúmer 2018120041Vakta málsnúmer
Lögð fram til kynningar samantekt um hlutfall yfirvinnu af dagvinnu á skipulagssviði fyrstu 11 mánuði ársins samanborið við árin frá 2013-2017.
6.Rangárvellir 4 - breyting á deiliskipulagi
Málsnúmer 2018010252Vakta málsnúmer
Lagðar fram tvær tillögur að breytingu á deiliskipulagi iðnaðar- og athafnasvæðis á Rangárvöllum sem ná til lóða 3, 4 og 6.
Skipulagsráð samþykkir að fela skipulagsfulltrúa að kynna tillögurnar hverfisráði Giljahverfis og lóðarhöfum á Rangárvöllum.
7.Glerárvirkjun II - umsókn um framkvæmdaleyfi fyrir göngustíg
Málsnúmer 2018110005Vakta málsnúmer
Erindi dagsett 4. desember 2018 þar sem Anna Bragadóttir hjá Eflu verkfræðistofu fyrir hönd Fallorku ehf., kt. 600302-4180, sækir um framkvæmdaleyfi fyrir göngustíg frá Hlíðarbraut að stöðvarhúsi Glerárvirkjunar II.
Skipulagsráð hefur yfirfarið meðfylgjandi hönnunargögn vegna framkvæmda við göngustíg frá Hlíðarbraut að stöðvarhúsi Glerárvirkjunar II, sem er í samræmi við samþykkt aðal- og deiliskipulag, og leggur til við bæjarstjórn að samþykkja að gefið verði út framkvæmdaleyfi.
Framkvæmdir skulu vera í samræmi við 24. gr. Lögreglusamþykktar fyrir Akureyrarbæ en þar eru ákvæði um farmflutninga og hreinsun ökutækja áður en farið er inn á malbikaðar götur.
Framkvæmdir skulu vera í samræmi við 24. gr. Lögreglusamþykktar fyrir Akureyrarbæ en þar eru ákvæði um farmflutninga og hreinsun ökutækja áður en farið er inn á malbikaðar götur.
8.Glerárvirkjun II - umsókn um deiliskipulagsbreytingu vegna stígs frá stöðvarhúsi að stíflu
Málsnúmer 2018120039Vakta málsnúmer
Erindi dagsett 5. desember 2018 þar sem Anna Bragadóttir hjá Eflu, fyrir hönd Fallorku ehf., kt. 600302-4180, sækir um heimild til að fá að leggja inn til afgreiðslu tillögur að breytingu á deiliskipulagi vegna legu stígs meðfram Glerá, frá stöðvarhúsi að stíflu Glerárvirkjunar II.
Skipulagsráð samþykkir að unnið verði að breytingum á deiliskipulagsáætlunum í samræmi við fyrirliggjandi erindi og í samráði við sviðsstjóra skipulagssviðs.
9.Hafnarstræti 67-69 - umsókn um deiliskipulagsbreytingu
Málsnúmer 2018100368Vakta málsnúmer
Lögð fram tillaga að breytingu á deiliskipulagi Drottningarbrautarreits, sem nær til húsaraðar vestan Hafnarstrætis eða lóða 67-79. Er breytingin lögð fram í kjölfar afgreiðslu skipulagsráðs á fundi 31. október sl. Í breytingunni felst að ekki verður gerð krafa um að nýbyggingar verði steinsteypt hús að öllu leyti heldur verði heimilt að þeir hlutar húsa sem eru ofan 1. hæðar geti verið úr léttu burðarefni. Nýbyggingar skulu þó taka mið af yfirbragði byggðarinnar hvað varðar stærðir og hlutföll, form og efnisval.
Skipulagsráð leggur til við bæjarstjórn að deiliskipulagsbreytingin verði auglýst skv. 1. mgr. 41. gr. skipulagslaga og að hún verði kynnt sérstaklega fyrir lóðarhöfum innan þess svæðis sem verið er að breyta.
Þá skal einnig leita umsagnar Minjastofnunar og skipulagshönnuðar upphaflegrar deiliskipulagsáætlunar.
Þá skal einnig leita umsagnar Minjastofnunar og skipulagshönnuðar upphaflegrar deiliskipulagsáætlunar.
10.Dalsbraut 1 L-M (Gleráreyrar 3) - umsókn um breytta notkun
Málsnúmer 2015100058Vakta málsnúmer
Erindi dagsett 23. nóvember 2018 þar sem Haraldur Sigmar Árnason fyrir hönd Eyrarverks ehf., kt. 500816-0660, leggur inn fyrirspurn varðandi breytta notkun á 2. hæð í húsi nr. 1 (L-M) við Dalsbraut. Meðfylgjandi eru teikningar eftir Harald Sigmar Árnason. Meðfylgjandi er samþykki allra eigenda matshlutar og aðliggjandi húss.
Að mati skipulagsráðs samræmist fyrirhuguð breyting gildandi aðal- og deiliskipulagi svæðisins og þar sem fyrir liggur samþykki allra eigenda sama matshlutar sem og aðliggjandi matshlutar gerir skipulagsráð ekki athugasemd við fyrirhugaða breytingu og vísar málinu til afgreiðslu byggingarfulltrúa. Skipulagsráð telur að samhliða útgáfu byggingarleyfis þurfi að fara í vinnu við breytingu á deiliskipulagi, lagfæringu á skráningu lóða til samræmis við deiliskipulag, útbúa nýja lóðarleigusamninga og eignaskiptayfirlýsingar.
11.Austurbrú 10-12 - umsókn um byggingarleyfi
Málsnúmer 2017050207Vakta málsnúmer
Á fundi skipulagsráðs 12. september 2018 var tekið fyrir erindi Steingríms Péturssonar fyrir hönd Furuvalla 7 ehf., kt. 530212-0170, um frest á byggingarframkvæmdum við fjölbýlishúsið Austurbrú 10-12 til 1. júní 2019. Var afgreiðslu málsins frestað þar til fyrir lægi samkomulag umsækjanda við lóðarhafa Hafnarstrætis 82 um frágang á lóð hans og lóðarmörkum vegna útgraftar. Lögð eru fram tölvupóstsamskipti við umsækjanda og eigendur aðliggjandi lóðar og virðist ljóst að formlegt samkomulag þeirra á milli liggur ekki fyrir þó svo að búið sé að fara í ákveðnar framkvæmdir í samræmi við kröfur eigenda Hafnarstrætis 82.
Helgi Snæbjarnarson L-lista bar upp vanhæfi sitt í málinu og var það samþykkt. Vék hann af fundi við umræður og afgreiðslu erindisins.
Skipulagsráð telur mjög óheppilegt hversu mikið framkvæmdir á svæðinu hafa frestast í ljósi þess að framkvæmdirnar fela í sér rask og óþægindi á aðliggjandi lóðum. Skipulagsráð er meðvitað um að samkomulag liggur ekki fyrir um frágang lóða en í ljósi aðstæðna samþykkir það að veita frest til áframhaldandi framkvæmda til 1. júní 2019.
Arnfríður Kjartansdóttir V-lista sat hjá.
Skipulagsráð telur mjög óheppilegt hversu mikið framkvæmdir á svæðinu hafa frestast í ljósi þess að framkvæmdirnar fela í sér rask og óþægindi á aðliggjandi lóðum. Skipulagsráð er meðvitað um að samkomulag liggur ekki fyrir um frágang lóða en í ljósi aðstæðna samþykkir það að veita frest til áframhaldandi framkvæmda til 1. júní 2019.
Arnfríður Kjartansdóttir V-lista sat hjá.
12.Gilsbakkavegur 13 - Hvítahúsið - beiðni um umsögn - rekstrarleyfi
Málsnúmer 2018110197Vakta málsnúmer
Erindi dagsett 29. nóvember 2018 þar sem Böðvar Þórir Kristjánsson og Guðrún Karítas Garðarsdóttir fyrir hönd BG gistingar, kt. 471113-0500, óska eftir endurskoðun á neitun um gistileyfi í húsi nr. 13 við Gilsbakkaveg.
Skipulagsráð telur að ekki sé hægt að veita leyfi í samræmi við umsókn að svo stöddu þar sem í aðalskipulagi sveitarfélagsins kemur fram að rekstrarleyfisskyld skammtímaleiga er óheimil á íbúðarsvæðum nema kveðið sé á um það í aðalskipulagi viðkomandi landnotkunarreits (bls. 34 í greinargerð aðalskipulagsins).
13.Langahlíð 8 - umsókn um bílastæði fyrir ferlibíl
Málsnúmer 2018120018Vakta málsnúmer
Erindi dagsett 3. desember 2018 þar sem Guðmunda Finnbogadóttir sækir um sérmerkingu á bílastæði við hús nr. 8 við Lönguhlíð. Guðmunda nýtir þjónustu ferlibíla sem oftar en ekki eiga erfitt með að komast að húsinu. Meðfylgjandi er afrit af stæðiskorti fatlaðra og mynd af staðsetningu stæðis.
Skipulagsráð samþykkir að merkt verði stæði fyrir fatlaða á götunni utan við Lönguhlíð 8. Er ákvörðun um nákvæma staðsetninu vísað til umhverfis- og mannvirkjasviðs.
14.Hraunholt 9 - fyrirspurn vegna viðbyggingar við bílgeymslu
Málsnúmer 2018120058Vakta málsnúmer
Erindi dagsett 6. desember 2018 þar sem Valdimar Þengilsson leggur inn fyrirspurn varðandi viðbyggingu við bílgeymslu við hús nr. 9 við Hraunholt. Meðfylgjandi er mynd.
Skipulagsráð samþykkir að grenndarkynna umsókn um viðbyggingu við bílgeymslu þegar gögn sem sýna afstöðu- og útlit liggja fyrir.
15.Sveintún 1 og Sveintúnsbót - stofnun nýrra lóða úr landinu Sveintún í Grímsey
Málsnúmer 2018120065Vakta málsnúmer
Lögð fram umsókn Ríkiseigna dagsett 4. desember 2018 um stofnun tveggja lóða út úr jörðinni Sveintún, lnr. 151896. Er óskað eftir stofnun 1.653 fm lóðar utan um íbúðarhús og viðbyggingu (mhl. 1 og 3) sem á að fá heitið Sveintún 1 og þá er óskað eftir stofnun 1.315 fm lóðar utan um bogaskemmu (mhl. 4) og á sú lóð að fá heitið Sveintúnsbót.
Skipulagsráð samþykkir stofnun lóðanna með vísun í 48. gr. skipulagslaga en leggur til að lóðin Sveintún 1 verði Sveintún 2.
16.Afgreiðslur byggingarfulltrúa 2018
Málsnúmer 2018010013Vakta málsnúmer
Lögð fram til kynningar fundargerð 701. fundar, dagsett 29. nóvember 2018, með fullnaðarafgreiðslum erinda. Fundargerðin er í 6 liðum og er að finna á heimasíðu Akureyrarbæjar.
Fundi slitið - kl. 10:35.
