Skipulagsnefnd

124. fundur 26. október 2011 kl. 08:00 - 11:00 Bæjarstjórnarsalur á 4. hæð í Ráðhúsi
Nefndarmenn
  • Haraldur Sveinbjörn Helgason varaformaður
  • Árni Páll Jóhannsson
  • Eva Reykjalín Elvarsdóttir
  • Pálmi Gunnarsson
  • Pétur Bolli Jóhannesson skipulagsstjóri
  • Leifur Þorsteinsson fundarritari
Fundargerð ritaði: Leifur Kristján Þorsteinsson verkefnastjóri
Dagskrá

1.Svæðisskipulag Eyjafjarðar 2011-2023

Málsnúmer 2011100003Vakta málsnúmer

Erindi dagsett 3. október 2011 þar sem Bjarni Kristjánsson f.h. Samvinnunefndar um Svæðisskipulag Eyjafjarðar sendir inn til samþykktar skipulagslýsingu af Svæðisskipulagi Eyjafjarðar ásamt fylgiriti um helstu forsendur. Þess er vænst að afstaða sveitarfélaganna til lýsingarinnar berist nefndinni eigi síðar en 20. október 2011. Einnig eru lagðar fram fundargerðir SSE frá 13. til 23. fundar nefnarinnar.

Skipulagsnefnd bendir á fyrri bókanir nefndarinnar frá 17. október 2008 og 28. apríl 2010 um efnisþætti sem hún samþykkti sem áherslur í vinnslu svæðisskipulagsins. Í innsendri skipulagslýsingu er ekki tekið á öllum þeim efnisflokkum sem nefndin óskaði eftir og er því óskað eftir að skipulagslýsingin verði endurskoðuð með það í huga og lögð fyrir nefndina til samþykktar að nýju.
Skipulagsnefnd telur eftirfarandi efnisflokka vanta í skipulagslýsinguna en bendir að öðru leyti á fyrri bókanir nefndarinnar frá 17. október 2008 og 28. apríl 2010 um áherslur og efnisþætti:
1.       Fráveitumál. Afar lítið er fjallað um fráveituna að öðru leyti en því að Eyjafjörður verði skilgreindur sem "síður viðkvæmur viðtaki" og Pollurinn skilgreindur sem "viðkvæmur viðtaki". Þarf að skilgreina ítarlegar.
2.       Sorpmál. Skipulagsnefnd telur nauðsynlegt að í lýsingunni komi fram stefna um hvernig sorpmálum verði háttað á svæðinu til lengri tíma litið.
3.       Umhverfismál. Texta vantar um almenna umfjöllun um náttúruna, stefnu um umferð á fjöllum, bæði vélknúna og aðra, t.d. á hestum eða gangandi manna. 
4.       Atvinnumál - ferðaþjónusta. Umfjöllun vantar um þennan mikilvæga málaflokk.

2.Hafnarsvæði í Krossanesi - breyting á deiliskipulagi, Krossanes 4

Málsnúmer 2011090003Vakta málsnúmer

Erindi dagsett 9. júní 2011 þar sem Anton Örn Brynjarsson f.h. Becromal Properties ehf., kt. 660707-0850, leggur fram tillögu um breytingu á deiliskipulagi hafnarsvæðis í Krossanesi. Meðfylgjandi er tillöguuppdráttur dags. 24. október 2011 frá AVH ehf. og breytingaruppdráttur 15. september 2011.
Erindið tekið fyrir að nýju vegna ábendingar Skipulagsstofnunar um að deiliskipulagsbreytingin sé háð lögum um umhverfismat áætlana nr. 105/2006 sem kalli á gerð umhverfisskýrslu. Meðfylgjandi er umhverfisskýrsla dagsett 20. október 2011.

Skipulagsnefnd gerir ekki athugasemdir við framlögð gögn en frestar málinu þar sem formlegu samráði við Skipulagsstofnun um umfang og áherslur umhverfisskýrslunnar er ekki lokið.

3.Óseyri sunnan Krossanesbrautar - deiliskipulag

Málsnúmer 2011100088Vakta málsnúmer

Skipulagsstjóri lagði fram, í samráði við formann skipulagsnefndar, tillögu að deilskipulagi Óseyrar sunnan Krossanesbrautar. Um er að ræða deiliskipulag af þegar byggðu hverfi.
Meðfylgjandi er deiliskipulagsuppdráttur dagsettur 21. október 2011 og greinargerð dagsett 21. október 2011 unnin af X2 hönnun-skipulagi.

Skipulagsnefnd leggur til við bæjarstjórn að tillagan verði auglýst skv. 1. mgr. 41.gr. skipulagslaga nr. 123/2010.

4.Eyrarlandsvegur 30 - umsókn um deiliskipulagsbreytingu

Málsnúmer 2011100074Vakta málsnúmer

Erindi dagsett 19. október 2011 þar sem Ingólfur Fr. Guðmundsson f.h. Fasteigna Akureyrarbæjar, kt. 710501-2380, sækir um breytingu á deiliskipulagi vegna fyrirhugaðrar byggingar kaffihúss í Lystigarði Akureyrar við Eyrarlandsveg 30. Meðfylgjandi er teikning og nánari skýringar.

Skipulagsnefnd frestar erindinu.

5.Norðurvegur 19 í Hrísey - afmörkun á erfðafestu

Málsnúmer 2009110057Vakta málsnúmer

Með vísan í dóm Hæstaréttar dags. 14. maí 2010 er óskað eftir að afmörkun á erfðafestu Hallgríms Sigmundssonar, Norðurvegi 19 í Hrísey, verði breytt í samræmi við meðfylgjandi uppdrátt.
Fyrir liggur jákvæð umsögn hverfisráðs Hríseyjar frá 12. október 2011.

Skipulagsnefnd samþykkir afmörkun erfðafestunnar skv. breyttum uppdrætti dagsettum  28. september 2011.

6.Dalsbraut - athugasemdir

Málsnúmer 2011090141Vakta málsnúmer

Gestur Geirsson og Elvar Smári Sævarsson mættu í viðtalstíma bæjarfulltrúa f.h. hverfisnefndar Lunda- og Gerðahverfis þar sem gerðar eru athugasemdir í nokkrum liðum vegna fyrirhugaðrar lagningu Dalsbrautar.

Deiliskipulag Dalsbrautar og nágrennis er í formlegu auglýsingaferli sem lýkur 10. nóvember. Fyrirspurninni með athugasemdunum er vísað til úrvinnslu að athugasemdatíma loknum.

7.Dalsbraut - fyrirspurn um kostnað

Málsnúmer 2011090143Vakta málsnúmer

Haukur Ívarssson mætti í viðtalstíma bæjarfulltrúa.
Hann lýsti áhyggjum sínum yfir kostnaði við lagningu Dalsbrautar og spyr hvort að það séu til peningar í verkefnið. Hann er þó hvorki með eða á móti lagningu brautarinnar.

Skipulagsnefnd tekur ekki afstöðu til erindisins þar sem spurt er um kostnað við lagningu Dalsbrautar sem er framkvæmdarmál og vísar fyrirspurninni til framkvæmdaráðs.

8.Sómatún 37-45 - umsókn um lóð

Málsnúmer 2011100024Vakta málsnúmer

Erindi dagsett 6. október 2011 þar sem Ásgrímur Magnússon f.h. Trésmiðju Ásgríms Magnússonar ehf., kt. 410604-3880, sækir um lóð nr. 37-45 við Sómatún. Meðfylgjandi er staðfesting á greiðslugetu frá Íslandsbanka hf.

Þar sem tveir umsækjendur sækja um lóðina var dregið um hana og varð umsækjandi hlutskarpari.

Skipulagsnefnd samþykkir því erindið. Deiliskipulagsskilmálar ásamt almennum byggingarskilmálum gilda. 

9.Sómatún 37-45 - umsókn um lóð

Málsnúmer 2011100032Vakta málsnúmer

Erindi dagsett 10. október 2011 þar sem Magnús Guðjónsson f.h. Fjölnis ehf., kt. 530289-2069, sækir um lóð nr. 37-45 við Sómatún. Meðfylgjandi er staðfesting á greiðslugetu frá Landsbankanum.

Þar sem tveir umsækjendur sóttu um lóðina var dregið um hana og féll hún í skaut annars. Skipulagsnefnd getur því ekki orðið við erindinu.

10.Afgreiðslur skipulagsstjóra 2010-2011

Málsnúmer 2010010128Vakta málsnúmer

Fundargerð dagsett 11. október 2011. Lögð var fram fundargerð 368. fundar með fullnaðarafgreiðslum erinda. Fundargerðin er í 11 liðum.

Lagt fram til kynningar.

11.Afgreiðslur skipulagsstjóra 2010-2011

Málsnúmer 2010010128Vakta málsnúmer

Fundargerð dagsett 19. október 2011. Lögð var fram fundargerð 369. fundar með fullnaðarafgreiðslum erinda. Fundargerðin er í 6 liðum.

Lagt fram til kynningar.

Fundi slitið - kl. 11:00.