Skipulagsnefnd

Lögð fram til umsagnar innan bæjarkerfisins drög að greinargerð Aðalskipulags Akureyrar 2018-2030 dagsett 27. september 2016, þéttbýlisuppdráttur dagsettur 26. september 2016, heidaruppdráttur dagsettur 11. júní 2014 og uppdráttur fyrir Hrísey dagsettur í nóvember 2010.

Tekin er til skoðunar skipulagstillaga að breytingu og fjölgun lóða á Torfunefi og í Hofsbót sem var auglýst frá 25. maí með athugasemdafrest til 6. júlí 2016. Skipulagsgögn voru aðgengileg í þjónustuanddyri Ráðhúss Akureyrar og á heimasíðu skipulagsdeildar. Skipulagsnefnd frestaði afgeiðslu erindisins þann 14. september 2016. Skipulagsuppdráttur dagsettur 11. maí 2016 og breyttur 28. september 2016 lagður fram.

Erindi dagsett 25. júlí 2016 þar sem Anton Örn Brynjarsson fyrir hönd Norðurorku, kt. 550978-0169, sækir um deiliskipulagsbreytingu fyrir Rangárvelli. Skipulagsnefnd samþykkti á fundi 24. ágúst 2016 að deiliskipulagstillagan yrði grenndarkynnt. Erindið var grenndarkynnt 26. ágúst og var athugasemdafrestur til 23. september 2016.

Engin athugasemd barst.

Erindi dagsett 7. september 2016 þar sem Logi Már Einarsson fyrir hönd Norðurbiks ehf., kt. 410704-2260, sækir um breytingu á deiliskipulagi fyrir Ægisnes 2. Skipulagsnefnd heimilaði umsækjanda þann 14. september 2016 að leggja fram tillögu að breytingu á deiliskipulagi. Tillagan er dagsett 28. september 2016 og unnin af Ómari Ívarssyni hjá Landslagi.

Erindi dagsett 6. september 2016 þar sem Stefán Eyfjörð Stefánsson fyrir hönd ÍGF ehf., kt. 470596-2289, sækir um breytingu á deiliskipulagi fyrir Ægisnes 3.

Skipulagsnefnd heimilaði umsækjanda þann 14. september 2016 að leggja fram breytingu á deiliskipulagi. Tillagan er dagsett 28. september 2016 og unnin af Ómari Ívarssyni hjá Landslagi.

Erindi dagsett 21. september 2016 þar sem Ingólfur Guðmundsson fyrir hönd HB fasteigna ehf., kt. 541015-1910, sækir um breytnigu á deiliskipulagi fyrir Aðalstræti 19. Meðfylgjandi er uppdráttur.

Erindi dagsett 8. september 2016 þar sem Kristján Ingvarsson sendir inn erindi vegna byggingar þjónustumiðstöðvar í Naustahverfi.

Erindi dagsett 1. september 2016 þar sem Björn Ómar Sigurðarson fyrir hönd T21 ehf., kt. 430615-1060, sótti um lóð nr. 2-12 við Heiðartún.

Skipulagsstjóri úthlutaði umsækjanda lóðinni á afgreiðslufundi þann 15. september síðastliðinn. Samhliða óskaði umsækjandi eftir að gera deiliskipulagsbreytingu á lóðinni og byggja þar tvö átta íbúða hús.

Fyrirspurn dagsett 4. febrúar 2016 frá Haraldi Árnasyni um möguleika á að byggja hótel á lóðinni, sem mundi tengjast Hótel Akureyri á næstu lóð, Hafnarstræti 67. Skipulagsnefnd heimilaði umsækjenda á fundi 22. júní 2016, að leggja fram breytingu á deiliskipulagi. Skipulagsnefnd frestaði afgreiðslu þann 14. septemer 2016.

Erindi dagsett 25. júlí 2016 þar sem Anton Örn Brynjarsson fyrir hönd Vélsmiðju Steindórs ehf., kt. 690269-3769, sækir um deiliskipulagsbreytingu fyrir Frostagötu 6a. Skipulagsnefnd heimilaði umsækjanda þann 24. ágúst 2016 að leggja fram tillögu að breytingu á deiliskipulagi. Tillagan er dagsett 16. september 2016 og unnin af Arnþóri Tryggvasyni hjá AVH.

Erindi dagsett 26. ágúst 2016 þar sem Bergljót Pálsdóttir sækir um stækkun á lóð nr. 13 við Hamragerði. Skipulagsnefnd frestaði erindinu á fundi 14. september 2016 og óskaði eftir rökstuðningi.

Erindi dagsett 13. september 2016 þar sem Guðný Aðalsteinsdóttir sækir um lóð vestan við lóð nr. 15 við Hamragerði.

Erindi dagsett 13. september 2016 þar sem Halla Einarsdóttir sækir um lóðarstækkun á lóð númer 15 við Furulund. Meðfylgjandi er teikning og samþykki nágranna.

Rarik ohf sendir til umsagnar hugmyndir að lagnaleiðum gegnum Akureyri vegna tengingar Hólsvirkjunar í Fnjóskadal. Skipulagsnefnd frestaði erindinu á fundi 10. ágúst 2016 og óskaði eftir umsögnum frá framkvæmdadeild og umhverfisnefnd.

1) Umhverfisnefnd tók erindið fyrir á fundi 23. ágúst 2016 og mælir með því að A lagnaleiðin verði valin.

2) Framkvæmdadeild sendi svar 22. september 2016 og tekur undir álit umhverfisnefndar og mælir með lagnaleið A. Væntanlega er það minnsta raskið og hagkvæmast fyrir framkvæmdaraðilann.

Erindi frá Særúnu Emmu Stefánsdóttur þar sem hún fer fram á að mældur verði umferðarhraði á Kjarnagötunni, sett upp hraðahindrun og gangbraut yfir Kjarnagötu við Heiðartún og dregið úr hávaðamengun frá götunni. Skipulagsnefnd frestaði erindinu 14. september 2016 og óskaði eftir umsögn framkvæmdadeildar.


Erindið var tekið fyrir á deildafundi framkvæmda- og skipulagsdeildar 15. september 2016:

"Gangbrautin samkvæmt skipulagi er ekki komin, en staðsetningu hennar þarf að endurskoða vegna legu stígsins sem liggur til suðurs. Mælingar eru til frá 2009 og 2015 við skólann. Þær mælingar benda til umferðar upp á um 2.400 bíla og skipulagið gerir ráð fyrir 6.200 bílum í fullbyggðu Naustahverfi. Gert er ráð fyrir steyptum hljóðvegg á lóðamörkum samkvæmt skipulagi, en var þá gert ráð fyrir 50 km hámarkshraða. Samkvæmt skipulagi er hverfið hannað með hlykkjóttum götum sem eiga að þjóna tilgangi hraðahindrana. Framkvæmdadeild mun gera mælingu við gatnamót Heiðartúns og Kjarnagötu."

Erindi dagsett 27. maí 2016 þar sem Þorsteinn Gunnarsson fyrir hönd 18 íbúa í Lerki- og Grenilundi, mótmælir starfsemi við einbýlishúsið Lerkilund 31, hefur verið breytt í athafnasvæði fyrir vélaverktaka og bílum og tækjum lagt við og í nærliggjandi götur, garðskúr hefur verið byggður án leyfis á lóðamörkum að vestan og bílastæði hefur verið stækkað.

Erindi dagsett 14. september 2016 þar sem Heiðbjört Vigfúsdóttir og Andri Gunnarsson óska eftir afstöðu Akureyrarbæjar til að úthluta þeim lóðinni nr. 41 við Austurveg í Hrísey til stækkunar á lóð þeirra nr. 43 við Austurveg. Sjá frekar í bréfi.

Erindi dagsett 31. ágúst 2016 þar sem Steinþór Kári Kárason fyrir hönd Fasteigna Akureyrarbæjar, kt. 710501-2380, sækir um breytingar á húsum nr. 10-12 við Kaupvangsstræti. Meðfylgjandi eru teikningar eftir Steinþór Kára Kárason.

Erindi dagsett 15. september 2016 þar sem Óskar Óskarsson fyrir hönd Gúmmívinnslunnar ehf., kt. 450509-1670, óskar eftir að fá stöðuleyfi fyrir 7 gáma á lóð nr. 3 við Réttarhvamm. Einnig er óskað eftir að byggja þak yfir gámana. Meðfylgjandi er mynd. Erindið var tekið fyrir á afgreiðslufundi skipulagsstjóra og vísað til skipulagsnefndar.

Erindi dagsett 22. september 2016 þar sem Helgi Már Pálsson fyrir hönd framkvæmdadeildar óskar eftir afstöðu skipulagsnefndar um afnot af göngu- og reiðleið til efnisflutninga að golfvelli. Meðfylgjandi er afstöðumynd.

Erindi dagsett 8. mars 2016 frá Ómari Ívarssyni, skipulagsfulltrúa Eyjafjarðarsveitar, þar sem óskað er eftir umsögn Akureyrarkaupstaðar á breytingu á Aðalskipulagi Eyjafjarðarsveitar 2005-2025. Breytingin felst í því að legu göngu- og reiðleiða sem liggja frá Akureyri að Hrafnagilshverfi er breytt á hluta leiðarinnar. Lagt fram svar skipulagsnefndar og sveitarstjórnar Eyjafjarðarsveitar við umsögn Akureyrarbæjar, dagsett 22. ágúst 2016.

Fundargerð dagsett 8. september 2016. Lögð var fram fundargerð 600. fundar með fullnaðarafgreiðslum erinda. Fundargerðin er í 16 liðum.

Fundargerð dagsett 21. september 2016. Lögð var fram fundargerð 602. fundar með fullnaðarafgreiðslum erinda. Fundargerðin er í 13 liðum.

Fundargerð dagsett 15. september 2016. Lögð var fram fundargerð 601. fundar með fullnaðarafgreiðslum erinda. Fundargerðin er í 5 liðum.