Samstarfsnefnd um ferlimál fatlaðra

2. fundur 13. apríl 2015 kl. 13:00 - 14:15 Fundarherbergi skipulagsdeild
Nefndarmenn
  • Jón Heiðar Jónsson formaður
  • Ingibjörg Ólöf Isaksen
  • Jón Heiðar Daðason
  • Lilja Guðmundsdóttir
  • Tryggvi Már Ingvarsson
Starfsmenn
  • Leifur Þorsteinsson fundarritari
Dagskrá

1.Umferðarljós - hljóðljós

Málsnúmer 2012060053Vakta málsnúmer

Á fundi sínum 10. september 2012 beindi samstarfsnefnd um ferlimál fatlaðra þeirri ósk til framkvæmdadeildar að umferðar- og gangbrautarljósum með hljóðmerkjum verði fjölgað í bænum.
Blindrafélagið sendi bréf dagsett 18. nóvember 2012 til framkvæmdadeildar þar sem óskað var eftir ákveðinni forgangsröðun í uppsetningu hljóðljósa.
Á fundinn kom Tómas Björn Hauksson frá framkvæmdadeild og gerði grein fyrir stöðu málsins.
Nefndin þakkar Tómasi fyrir upplýsingarnar.
Nefndin beinir því til framkvæmdadeildar að farið verði sem fyrst í að setja upp hljóðljós í samræmi við ósk Blindrafélagsins.

2.Aðgengi að bílastæðum fyrir fatlaða við Skipagötu

Málsnúmer 2012121158Vakta málsnúmer

Fram hefur komið ósk um að lagfæra bílastæði fyrir fatlaða í miðbæ þar sem núverandi stæði eru of þröng og fá.
Tómas Björn Hauksson frá framkvæmdadeild kom á fundinn og fór yfir mögulegar aðgerðir til lagfæringa og fjölgunar bílastæða fyrir hreyfihamlaða í miðbænum. Lögð var fram tillaga frá formanni samstarfsnefndar um ferlimál fatlaðra og framkvæmdadeild um lagfæringar.
Nefndin þakkar Tómasi fyrir komuna.
Nefndin samþykkir framlagða tillögu að endurbótum og fjölgun bílastæða fyrir hreyfihamlaða á miðbæjarsvæðinu. Erindinu er vísað til framkvæmdaráðs.

Fundi slitið - kl. 14:15.