Samstarfsnefnd um ferlimál fatlaðra

1. fundur 07. mars 2016 kl. 13:00 - 14:00 Fundarherbergi skipulagsdeild
Nefndarmenn
  • Jón Heiðar Jónsson formaður
  • Jón Heiðar Daðason
  • Lilja Guðmundsdóttir
  • Tryggvi Már Ingvarsson
Starfsmenn
  • Leifur Þorsteinsson fundarritari
Dagskrá
Ingibjörg Ólöf Isaksen B-lista boðaði forföll og varamaður hennar komst ekki.

1.Hafnarstræti 99-101- lyfta

Málsnúmer 2016030007Vakta málsnúmer

Formaður samstarfsnefndar um ferlimál fatlaðra ræddi um þörf á endurnýjun/endurbótum á lyftu í Hafnarstræti 99-101 vegna aðgengis m.a. að heilsugæslunni.
Samstarfsnefnd um ferlimál fatlaðra mælist til við eigendur Hafnarstrætis 99-101 að fara nú þegar í endurbætur á aðgengi fatlaðra um lyftu í húsinu. Formanni nefndarinnar er falið að senda húsfélaginu bréf þar sem nánar er fjallað um málið.

2.Hólabraut 13 - umsókn um byggingarleyfi

Málsnúmer 2016020222Vakta málsnúmer

Skipulagsstjóri óskaði á afgreiðslufundi sínum þann 27. febrúar 2016 eftir umsögn samstarfsnefndar um ferlimál fatlaðra á erindi dagsettu 23. febrúar 2016 þar sem sótt er um breytingar á innréttingu efri hæðar hússins Hólabraut 13 fyrir starfsemi RUVAK skv. meðfylgjandi teikningu.
Samstarfsnefnd um ferlimál fatlaðra gerir fyrir sitt leyti ekki athugasemdir við umbeðnar breytingar innanhúss. Nefndin mælist til að sú lausn sem sýnd er á bílastæði og aðkomu fatlaðra að húsinu verði samþykkt.

3.Úttekt á aðgengi fatlaðra að strætisvögnum

Málsnúmer 2016030030Vakta málsnúmer

Lögð fram til kynningar skýrsla vegna aðgengis fatlaðra að strætisvögnum Akureyrar sem unnin var af framkvæmdadeild í framhaldi af styrkumsókn til velferðarráðuneytisins sl. haust.

Fundi slitið - kl. 14:00.