Samfélags- og mannréttindaráð

Sólveig Jónasdóttir verkefnastjóri hjá skóladeild mætti á fundinn og sagði frá starfi vinnuhóps um frístundaskóla. Alfa Aradóttir forstöðumaður æskulýðsmála sat fundinn undir þessum lið.

Lögð fram til kynningar skýrslan Ungt fólk og lýðræði - ungmennaráðstefna á Hvolsvelli 29.-31. mars 2012. Fulltrúi frá Ungmennaráði Akureyrarbæjar tók þátt í fundinum.

Áframhaldandi vinna við undirbúning móttöku- og kynningardags fyrir nýja íbúa bæjarins sem haldinn verður í Rósenborg laugardaginn 15. september nk.

Lagt fram til kynningar yfirlit um fjárhagsstöðu þeirra málaflokka sem heyra undir samfélags- og mannréttindaráð fyrir fyrstu 6 mánuði ársins.

Á fundi sínum 1. ágúst sl. samþykkti samfélags- og mannréttindaráð að stefna að því að ráða verkefnastjóra í tímabundið hlutastarf til að hafa umsjón með vinnu við afnám staðalímynda. Framkvæmdastjóri kynnti nánari útfærslu verkefnisins sem unnin hefur verið í samvinnu við skóladeild og Jafnréttisstofu.

Rætt um Afmælisrit Akureyrarbæjar Þekktu bæinn þinn sem gefið var út af Völuspá útgáfu í tilefni 150 ára afmælis Akureyrarbæjar. Afmælisnefnd Akureyrarbæjar veitti styrk vegna myndakaupa en kom að öðru leyti ekki að útgáfunni.