Öldungaráð

Samkvæmt 4. grein Samþykktar um öldungaráð skipar bæjarstjórn formann en ráðið kýs sér varaformann. Lagt er til að Sigríður Stefánsdóttir verði varaformaður.

Farið yfir samþykkt um öldungaráð sem bæjarstjórn samþykkti á fundi sínum þann 19. febrúar sl.

Samkvæmt tímaáætlun við gerð fjárhagsáætlunar 2020 er gert ráð fyrir samráðsfundi með öldungaráði þann 23. maí nk.

Á aðalfundi Félags eldri borgara á Akureyri sem haldinn var 1. apríl 2019 var samþykkt ályktun þar sem lagt er til að stofnaður verði starfshópur sem hafi það verkefni að undirbúa aðgerðaáætlun sem feli í sér aukna almenna heilsueflingu og hreyfingu eldri borgara í bæjarfélaginu.



Ályktunin var til umfjöllunar á fundi frístundaráðs þann 11. apríl sl. og var eftirfarandi bókað:

Frístundaráð vekur athygli á því að nú þegar er starfandi starfshópur um heilsueflandi samfélag og sér ekki ástæðu til að stofnaður verði annar starfshópur. Ráðið samþykkir að bjóða öldungaráði að tilnefna fulltrúa í starfshóp um heilsueflandi samfélag.

Á fundi velferðarráðs þann 24. apríl sl. voru lögð fram drög að reglum um akstursþjónustu Akureyrarbæjar. Samþykkt var að óska eftir umsögn öldungaráðs.

Kristinn J. Reimarsson sviðsstjóri samfélagssviðs fór yfir stöðu þeirra mála sem öldungaráð hefur haft til umfjöllunar.