Öldungaráð

Sviðsstjóri gerði grein fyrir samtali sem hann átti við Íþrótta- og ólympíusamband Íslands og Öldungaráð Íslands sem héldu ráðstefnuna "Rokkað inná efri ár - nýjar forvarnaleiðir". Ráðstefnan var tekin upp og eru nú öll erindi hennar aðgengileg á Youtube. Ekki er áhugi þessara aðila að koma norður með erindi. Rætt var um að halda fund á Akureyri um miðjan maímánuð með fyrirlesurum frá Akureyri.

Sviðsstjóri gerði grein fyrir svari frá Sjúkratryggingum Íslands við fyrirspurn þess eðlis hvort hægt væri að fá kynningu á nýja sjúkratryggingakerfinu hingað norður. Svarið var einfalt; "við sendum ekki starfsmann norður en ykkur er frjálst að senda inn spurningar".



Fullrúar EBAK sögðu frá ráðstefnu sem félagið í samstarfi við HA stendur fyrir þann 12. apríl nk. en yfirskriftin er Maður er manns gaman. Ráðstefna um félagsauð og heilsu á efri árum.



Rætt var um að fá kynningu á þjónustu Akureyrarbæjar á stuttum kynningarfundi fyrir eldri borgara. Fundurinn yrði í Bugðusíðu. Rætt var um að gaman væri að fá kynningu á nýsköpun og velferðartækni í öldrunarþjónustu. Sviðstjóra falið að vinna áfram.



Ítrekað var að fari þyrfti í endurskoðun á samþykkt Öldrunarráðs.

Öldungaráð þakka Jóni Hróa fyrir góða kynningu. Öldungaráð hvetur velferðarráð til að eiga samtal við félag eldri borgara um áherslur í áætluninni.